aMarkus 13:14 - Izere New Testament

¹⁴ “Izen iya ne yin di yin amaan itsi iya i ta be̱e̱n kubeseng, i ta se naro̱ kakak ka ta se gye̱r baꞌ (afe ifa'me ra ren ike̱ng iya rife̱ na ta sor) won afe a ta se niben aYahuda ra teng á ta be rifan.

aMarkus 13:14 Referans Kwoze

Ike̱ng a ta tonong aYohana 13:18

Rife̱ na shim aner ra be kukyem. Aner aya a ta be kuto̱ro̱ng dide̱ng ra fa a ta di izibir kukewum'me kamok izibir'e nye ife anerawe. Izizo̱ kukewum'me nye igataar, igataar, igataar (666).

Ike̱ng a ta tonong aYohana 1:3

Aner riye̱ rikan ne a nye aner aya a ta fa ike̱re̱ na ife aner kuzarap na tá zibir. Aner riye̱ rikan ne a nye aner aya a ta fok ne a kuus ike̱ng iya a ta zibir kaye̱e̱r kufumung na, kamok izen n be̱ barak ike̱re̱ na tana nye.

1 aKoranti 14:20

Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.

aMatiyu 13:51

aYeso tú ku rip ba ye, “Yin ren yin ike̱ng ife ike̱re̱ na tá sor a?” Iyong á fe̱ be wu ye, “Ei.”