aMarkus 13:13 - Izere New Testament

¹³ Ánerawe cice̱r tà ka ranyin kamok mi. Amma aner aya ne a nyeseng ma nigang'e, a ta se̱ kashesh.

aMarkus 13:13 Referans Kwoze

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aMatiyu 24:13

Amma aner aya ne a nyeseng be agap ma nigang'e, a tà se̱ kashesh.

aLuka 6:22

Áner riye̱ rikan ne á nye yin ánerawe tá ka di yin kye̱re̱, ne á kam be yin ne á ka kas yin, ne á ka ranyin kyo̱ndi ike̱ng imaan'e, kamok Igon Anerawe.

aGalati 6:9

Kamok anong sang tu ro̱n yir be kunye kutek baꞌ, kamok izen saase ife i tana se̱ yir ishorong itomong yir, ke yir te yir wa baꞌ.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aYohana 15:21

Ba tà nye be yin anong kamok riyerek'i, kamok ba ren aya a tin tom baꞌ.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ibrani 10:39

Yir nye yir kuri áya a tana kubun kama ne á wei baꞌ, amma yir min no̱o̱k yir katsak, a min shesh yir.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

aYohana 17:14

Mi mak no̱o̱k ba rife̱ wan yong kazatse tú raba ba, kamok ba nye áfe kazatse baꞌ, kyo̱ndi mi ta nye afe kazatse baꞌ.

aLuka 21:17

Ánerawe cice̱r tà ka ranyin kamok mi.

aMatiyu 24:9

“Ne a ka yising yin nong a ta ka tabak yin ne a ka fe̱s yin. Kazatse cice̱r tà ka ranyin kamok riyerek'i.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

aYakub 1:12

Aner awe̱ng nye aner aya a tana tsesek kaye̱e̱r kubo̱mo̱ng, kamok ke a na ka tsesek kaye̱e̱r kubo̱mo̱ng'e, a ta se ribong kutser riya Adakunom ta tsang a nisak natoon áfe a tu ku shim.

1 aYohana 3:13

Ároneng, tu te yin zhing baꞌ ke kazatse ta rayin.

aMarkus 13:12

“Aronyining tà sok aronyining wu nong a tà no̱o̱k a tà fe̱r, atek inoon tà sok inoon ba nong á tà no̱o̱k. Inoon tà shonong átek ba'me, ma a tà ka fe̱s ba.