aMarkus 13:11 - Izere New Testament

¹¹ Izen iya ne á ta yising yin nong á ta tseng be yin naro̱ amok, sang tu yin daam yin be ike̱ng iya yin tana fe̱ yin baꞌ. Fe̱ yin ike̱ng iya i ta ka be̱ yin nizen iyong, kamok sang yin ne i fe̱ yin kanu baꞌ, amma Kabik Kazhe̱l'e.

aMarkus 13:11 Referans Kwoze

Itomong Ámanzo 6:10

Amma Kabik Adakunom no̱o̱k Itifanus kukyem kuri kukak kuya a tin fe̱ kanu be ba, akak ba kyem a ya nanan be wu baꞌ.

1 aBitrus 1:12

Adakunom tú ku tak ba ye sang ba nye itomong rice ba baꞌ, amma á tá nye yin'e nizen ba tá nye kuzarap'ong cice̱r. Kyo̱o̱rna áya a tá ka taas yin Rife̱ Ritek na, á tá ka taas yin kyo̱ndi Kabik Kazhe̱l'e kaya Adakunom tá tom'e kaye̱e̱r kaza ta ka tees ba. Ámaleka gip á shim kuren ike̱re̱ na dide̱ng.

1 aKoranti 2:13

Yir ta taas yin ike̱re̱ na sang be irem ife a tin bo̱so̱p yir'e be kukyem rinerawe baꞌ, amma yir fe̱ yir ike̱ng ife Kabik tin bo̱so̱p yir'e, ne i fe̱ yir natoon ike̱re̱ iya i ta nye ife kabik ife katsak be áya a ta nye áfe kabik.

aYakub 1:5

Ke akak yin be kukyem kuren ikeng baꞌ, a ra rip Adakunom, afe a ta no̱o̱k koangan washak. A tu ku no̱o̱k be riye̱ rizining sang be aye̱ afa baꞌ.

Afisa 3:5

Gbugbang sang a taas ánerawe itak'e, kyo̱ndi Kabik Adakunom'me tá taas ámanzo azhe̱l ne áner kuzarap azhe̱l'e kyo̱o̱rna baꞌ.

Itomong Ámanzo 4:31

Nizen iya ba tá gang kunye aduwa, yong karo̱ kaya ba tú ku nyim'e zuur, ne a ku shining ba be Kabik Kazhe̱l'e ne a taas rife̱ Adakunom be riye̱ rizining dar inyim.

Itomong Ámanzo 2:4

A tú shining ba cice̱r be Kabik Kazhe̱l'e ne á kpaan kufe̱ kanu ni írem ze̱r ze̱r kyo̱ndi Kabik Kazhe̱l'e tá ka no̱o̱k ba kukyem kufe̱'me.

Itomong Ámanzo 3:13

Adakunom aya a ta nye afe Ibrahim ne a nye afe Ishaku ne a nye afe aYakub, Adakunom atukop yir, wu ne a tiyiik asam wu aYeso. Yin tú ku sok yin i tá no̱o̱k yin áko̱k kasho̱o̱n nong á tú ku fe̱r. Yin tú ku rayin nasho̱o̱n aBilatus, aBilatus'e shim a tú ku won gye̱rtatan.

aYohana 3:27

Ayong aYohana fe̱ be ba ye, “Anerawe ta kyem a se̱ ike̱ng be rice wu ba', sang ke a tú ku no̱o̱k natoon kaza ba'.

aMarkus 13:9

“Sak yin riye̱ be rice yin, á tà ka yising yin ne á tsees be yin ninaro̱ amok ne á ka tsosok yin natu aduwa. A ta tseng be yin nufe ágwomna ne ágwo̱m, kamok mi nong ta se̱ yin iren tú ku taas yin ba Rife̱ Ritek natoon'i.

aMatiyu 10:17

“Sak yin riye̱ be ánerawe, kamok á ta tseng be yin naro̱ amok ne á ka whereng yin kaye̱e̱r atu aduwa ba.

Itomong Ámanzo 7:55

Amma Itifanus a tan shining be Kabik Kazhe̱l'e sok anyisi wu naza a tá ye̱re̱k kaza. Ne a di kuyiik Adakunom, ne a di aYeso tan nyeseng nubo̱k riya Adakunom.

Itomong Ámanzo 6:15

Koangan afe a tá se azong ti sak anyisi natoon kaye̱e̱r áfe kusonong ame Itifanus, ne á di kanyisi wu tá te kyo̱ndi kanyisi amaleka.

aMarkus 13:12

“Aronyining tà sok aronyining wu nong a tà no̱o̱k a tà fe̱r, atek inoon tà sok inoon ba nong á tà no̱o̱k. Inoon tà shonong átek ba'me, ma a tà ka fe̱s ba.

aLuka 21:12

“Nizham a ta ra nye ike̱re̱ na, a tà ka yising yin, ne a ka tabak yin dide̱ng. A tà tseng be yin natu aduwa áner aYahuda ne a ka te yin nitso̱m ne á tseng be yin nufe ágwo̱m ne áko̱k kasho̱o̱n kamok mi.