aMarkus 12:9 - Izere New Testament

⁹ “aYeso tú ku ri ba ye, ‘To̱, akye̱ ne atek riko̱'me ta ma nye e̱?’ A ta tseng nong a ta se fe̱s áner wu tú ku ko̱bo̱k ba riko̱'me, ne a won riko̱'me nubo̱k áner ákak ze̱e̱r.

aMarkus 12:9 Referans Kwoze

aRom 10:20

Ishaya bun a nye riye̱ ritser a tá fe̱ ye, Adakunom fe̱ ye: “Áner aya á tin tse̱r baꞌ, ba ne a ti se̱. Mi tonong rice mi nufe áya sang á ta tse̱r karo̱ mi baꞌ.”

aLuka 19:27

Be̱e̱n yin be ámudo̱n'i áfe a tá shim mi tin nye rigwo̱m niba baꞌ, nong tu ku fe̱s yin ba aze nasho̱o̱n'i.’ ”

aMatiyu 21:43

“Kamok anong, won ta ka tak yin, a tin shan rigwo̱m Adakunom nufe yin nong a tà no̱o̱k áya a tana nye kunye kutek.

aMatiyu 22:7

Riye̱ agwo̱m'me beseng dide̱ng. Ayong a tom ásozha wu nong á ta se fe̱s áner á ta fe̱s ásam wu ame ne á shosh kuwo̱p'e.

aMatiyu 12:45

I tà ku bun nong i ta se yis amaan nabik nakak kanataar naya na ta nye namaan'e ne na ku nar. Ne i no̱ i ta sor azong. Ne kuse aner'e te kumaan'e ne ku nar kufe ime̱se̱ng'e. Anong ne i ta se be ámaan anerawe izam iyu.”

aMatiyu 21:34

Nizen iya ishamang tá nye, a tom ásam ákak ye á ra ku shan kanu kafu nufe áner ame.

aMarkus 12:8

Ayong á tú ku yiir nong á tú ku fe̱r, á ku barak nama riko̱'me.

aMarkus 12:10

Aser, yin kun fa yin afumung na a? Kamok i se kaye̱e̱r izibir ye; “ ‘Kuta kuya áfe rino̱k tá raba, ne kute itsik ribor kutu.