aMarkus 12:29 - Izere New Testament

²⁹ aYeso fe̱ be wu ye, “Igbang'e nye iya i ta fe̱ ye, ‘Fok yin, áner Isarela, Agwo̱m Ágwo̱m, Adakunom yir se azining.

aMarkus 12:29 Referans Kwoze

aLuka 10:27

Ne aner ame fe̱ ye, “Shim Agwo̱m Ágwo̱m wan Adakunom wan be riye̱ wan cei, be kutser wan cei, be agap wan cei, ne kuto̱ro̱ng wan cei, ne i shim afegbak wan kyo̱ndi wan ta shim rice wan.”

aGalati 3:20

Kamok ánerawe ta kyem a no̱ aner azining baꞌ ma áner afa, to̱ Adakunom se azining.

aRom 3:30

kamok Adakunom se azining, a ta sak áya a ta nye izhak ta te gye̱r nasho̱o̱n wu kamok kuno̱o̱k katsak ba, anong ne áya a ta nye izhak baꞌ, ta se̱ kute gye̱r nasho̱o̱n Adakunom kamok kuno̱o̱k katsak ba gip.

aZhud 1:25

Kuyiik nye kufu wu ze̱r, wu aya a ta nye Adakunom Aner Kashesh yir kaye̱e̱r aYeso Kiristi Agwo̱m Ágwo̱m yir. Kuyiik be kukyem ne rigwo̱m be agap nye kufu kum ni ime̱se̱ng'e, be kyo̱o̱rna, be ma izen izen! Anong.

1 aKoranti 8:4

Kamok anong, natoon kuya naya itsi, yir ren yir ye ike̱re̱ itsi'ong sor ike̱ng ikak baꞌ. Yir ren yir ye Adakunom se azining, akak kuse ze̱e̱r baꞌ.

aYakub 2:19

Wan no̱o̱k katsak ye Adakunom azining ne a kuse a? I se gye̱r! Amaan nabik gip a ti no̱o̱k katsak anong ne inyim.

1 aTimoti 2:5

Kamok Adakunom se azining, aner aya a ta no̱ natite Adakunom be ánerawe se azining, aner'e nye aYeso Kiristi.

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

aMatiyu 23:9

Sang yin tu yis yin akak ye, ‘Ada’ kaye̱e̱r kazatse baꞌ, kamok yin be yin Ada azining tsek aya a ta se kaye̱e̱r kaza.

aMatiyu 10:37

“Aner a ta shim atek ka anyining wu ayi ne a ni nar, ta kyem a ta te anaan baꞌ. Aner a ta shim igon ka angas wu ayi ne a ni nar ta kyem a ta te anaan baꞌ.