aMarkus 12:15 - Izere New Testament

¹⁵ I karang yir ka i won dar karang yir e̱?” Amma aYeso ren amaan kuto̱ ba, yong aYeso fe̱ be ba ye, “Akye̱ sak yin shim yin mi ta taam e̱? Ni be̱e̱n yin ica itso̱m'e ta di.”

aMarkus 12:15 Referans Kwoze

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

Ibrani 4:13

Ike̱ng ikak kuse nune̱re̱ng nazatse nasho̱o̱n Adakunom baꞌ. Koakye ike̱ng se de̱s, i se kanang nasho̱o̱n wu. Nasho̱o̱n wu ne i ta nyeseng yir nong tà taas yir koakye ike̱ng i tá nye yir.

1 aKoranti 10:9

Sang tu bo̱mo̱ng yir Agwo̱m Ágwo̱m kyo̱ndi ákak ba tá nye ma íwhen tá ka fe̱s ba baꞌ.

Itomong Ámanzo 5:9

Ayong aBitrus fe̱ be wu ye, “Akye̱ sak wan ta nyim kanu be amitek wan nong i ta bo̱mo̱ng yin Kabik Agwo̱m Ágwo̱m e̱? Di, áner aya a tá ne̱r amitek wan'ong nanukutu, ba ta ka sok nong a ta wuruk'e gip.”

aYohana 21:17

aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.” aYeso fe̱ be wu ye “To̱, nyeseng ítsamang'i naya.

aLuka 20:23

aYeso tá ren ritse̱ng ba yong a fe̱ be ba ye,

aMarkus 10:2

Ayong áner aFarisi ákak be̱ nufu nong á tú ku bo̱mo̱ng, á tú ku rip ye, “I nye rine̱n anerawe ta kam be abining wu a?”

aMatiyu 22:18

Amma aYeso tá ren amaan kuto̱ro̱ng ba iyong a fe̱ be ba ye, “Yin ákardak áner, akye̱ sak yin shim tin bo̱mo̱ng yin e̱?

aMatiyu 20:2

Á tin sak ye, wu ta karang koangan ba itso̱m kuwoso alebura ne a ku tomong ba riko̱ anap wu.

aMarkus 12:14

Á tá be̱ nufu ne á fe̱ ye, “Aner kubo̱so̱p, yir ren yir ye, wan nye aner katsak. Ánerawe kyem a ka kirik baꞌ. Wan ye̱re̱k ánerawe kuri kuzining, amma wan bo̱so̱p iren Adakunom be katsak tsek. I se gye̱r yir ta karang yir aKaisar itso̱m iben aꞌa?

aMarkus 12:16

Ayong a tú be̱e̱n ica'me, ne a ku rip ba ye, “Nawu angan be riyerek angan na e̱?”

aYohana 8:6

Ba nye kurip na nong á ta bo̱mo̱ng aYeso, nong ase̱ ba tà se̱ iren nong a tú ku yiir. Amma aYeso tiguum kaben nong a tá nye izibir be kabanbo̱k.