aMarkus 12:14 - Izere New Testament

¹⁴ Á tá be̱ nufu ne á fe̱ ye, “Aner kubo̱so̱p, yir ren yir ye, wan nye aner katsak. Ánerawe kyem a ka kirik baꞌ. Wan ye̱re̱k ánerawe kuri kuzining, amma wan bo̱so̱p iren Adakunom be katsak tsek. I se gye̱r yir ta karang yir aKaisar itso̱m iben aꞌa?

aMarkus 12:14 Referans Kwoze

1 aTasalonika 2:4

Yir ban i fe̱ yir kyo̱ndi áner aya Adakunom tá kasa ingya nong a tin no̱o̱k yir itomong kunye awazi Rife̱ Ritek wu. Sang yir fe̱ yir nong tà kare̱p yir ánerawe riye̱ baꞌ amma Adakunom aya a tá ren kuto̱ro̱ng yir.

aGalati 2:6

Amma áya a tá nye áko̱k kasho̱o̱n'e ti barang ike̱ng ikak natoon Rife̱ Ritek mi tá ka taas ba baꞌ, mi fe̱ anong kamok mi daam be kuyiik akak baꞌ, Adakunom daam ye ka wan nye angan'e baꞌ.

aGalati 1:10

To̱, yong yin di yin ye, mi shim ánerawe tin kerek ka Adakunom e̱? Ka yin di yin ye, mi shim ta kare̱p ánerawe riye̱ a? Ke i fa nye ye mi ru shim ta kare̱p ánerawe riye̱, ke mi ba nye asam aKiristi baꞌ.

2 aKoranti 5:16

Kamok anong, yir baꞌ, sen ye̱re̱k yir akak be kuse rinerawe baꞌ. Gip be i ta tsang i ye̱re̱k yir aKiristi anong, i ba ru ku ye̱re̱k yir anong baꞌ.

2 aKoranti 5:11

Kum yir ta ren yir ike̱ng iya i ta sak yir tana fok yir inyim Agwo̱m Ágwo̱m yir, to̱, i naka tsesek yir nong ta ko̱ro̱k yir ánerawe nong á tù ku bun nufe aKiristi. Adakunom ren kuse yir cice̱r, mi mok ye yin ren yin anong gip.

2 aKoranti 2:17

Yir se yir kyo̱ndi whe̱re̱ áya a tan sok rife̱ Adakunom nong á tin tse̱r naya ba baꞌ. Yir fe̱ yir kanu kaye̱e̱r aKiristi nasho̱o̱n Adakunom be riye̱ rizining kyo̱ndi áner Adakunom ta ka tom ba.

2 aKoranti 2:2

Ke mi ta sak yin ta beseng yin aye̱ to̱, angan tin kare̱p riye̱, sang ke yin afe mi ta ka beseng yin riye̱ baꞌ e̱?

aYohana 7:18

Aner aya a ta fe̱ natoon rice wu fe̱ nong a tà tiyiik rice wu. Amma aya a ta shim a ta tiyiik aya a tú ku tom, ayong ne a nye afe katsak, a be abo̱o̱s baꞌ.

aRom 13:6

Ike̱ng iya i ta sak yin ta karang yin itso̱m iben, kamok áko̱k kasho̱o̱n nye ásam Adakunom áya a ta no̱o̱k izen ba kamok itomong kube ánerawe.

aLuka 23:2

Á tá fe̱ ye, “Yir tú se̱ yir a sen wo̱ro̱k ánerawe yir, ne a ku roon ba kukarang rigwo̱m itso̱m iben. Ne a sok rice wu ye wu ne a nye aKiristi, a ta nye agwo̱m.”

aLuka 20:22

Iyong i se gye̱r yir ta karang yir aKaisar itso̱m iben aꞌa?”

aMarkus 14:45

Kum aYahuza tá fa be̱ nufe aYeso ne a fe̱ be wu ye, “Aner Kubo̱so̱p.” Ne a ku kunung.

aMatiyu 22:17

Ko ni tak yir, wan di ise gye̱r nong yir ta karang yir aKaisar itso̱m iben a?”

2 aKoranti 4:1

Kamok anong, kum yir ta nye yir itomong na kaye̱e̱r kuro̱ riye̱ Adakunom, yir min tun yir riye̱ baꞌ.

aMatiyu 22:16

Iyong á tom álimazhiri ba ákak ne áner aHiridus ákak nong á tá fe̱ be ye, “Aner kubo̱so̱p, yir ren yir ye, wan nye aner katsak, wan bo̱so̱p ánerawe katsak natoon Adakunom, ánerawe se kuri kuzining nufuan sang wan kasa ka angan nye angan'e baꞌ.

aMarkus 12:13

Kamok anong, á bun á tom ba áner aFarisi ákak ne áner aHiridus nufe aYeso nong á su ku yiir natoon ike̱ng iya wu tá fe̱.

aMarkus 12:15

I karang yir ka i won dar karang yir e̱?” Amma aYeso ren amaan kuto̱ ba, yong aYeso fe̱ be ba ye, “Akye̱ sak yin shim yin mi ta taam e̱? Ni be̱e̱n yin ica itso̱m'e ta di.”