aMarkus 12:10 - Izere New Testament

¹⁰ Aser, yin kun fa yin afumung na a? Kamok i se kaye̱e̱r izibir ye; “ ‘Kuta kuya áfe rino̱k tá raba, ne kute itsik ribor kutu.

aMarkus 12:10 Referans Kwoze

aMatiyu 21:42

aYeso fe̱ be ba ye, “Aser, yin fa yin kaye̱e̱r rife̱ Adakunom aꞌa? “ ‘Kuta kuya áfe rino̱k tá raba kuyong ne ku te itsik ribor'e. Adakunom ne a nye anong. Iyu nye ike̱ng azhing nufe yir.’

aRom 9:33

Kyo̱ndi i ta se ni izibir rife̱ Adakunom ye, “Di yin mi n sak kuta kukak na aSihiyona ku tana sak ánerawe tanin tu atak, ne ku sak ánerawe tà kpas, amma aner aya ne a ti no̱o̱k katsak ni wu a tà fok isum baꞌ.”

aMarkus 2:25

Ayong aYeso fe̱ be ba ye, “Yin kun fa yin ike̱ng iya aDauda tá nye nizen wu be ánerawe wu tá be baꞌ, ne á fok izong aꞌa?

aMatiyu 21:16

Ne á rip aYeso ye, “Wan fok ike̱ng inoon na ta sen fe̱'me aꞌa?” aYeso fe̱ be ba ye, “Ei, aser, yin kun fa yin kaye̱e̱r rife̱ Adakunom ye; “ ‘Wan ne i sak acam be inoon nakashak'e tá ka kerek aꞌa’?”

aMatiyu 19:4

aYeso fe̱ be ba ye, “Aser, yin kun fa yin ye, aner a ta nye kazatse, a nye ‘Aner amitek be aner abining ni ime̱se̱ng'e’ aꞌa?

aLuka 6:3

Ayong aYeso fe̱ be ba ye, “Yiring yin ike̱ng iya aDauda tá nye nizen wu be ánerawe wu tá fok izong.

aMarkus 13:14

“Izen iya ne yin di yin amaan itsi iya i ta be̱e̱n kubeseng, i ta se naro̱ kakak ka ta se gye̱r baꞌ (afe ifa'me ra ren ike̱ng iya rife̱ na ta sor) won afe a ta se niben aYahuda ra teng á ta be rifan.

aMatiyu 22:31

Natoon kudorok ikom, yin i kun fa yin ike̱ng iya Adakunom tá fe̱ be yin kaye̱e̱r izibir ye,

aMatiyu 12:3

Ayong aYeso fe̱ be ba ye, “Aser, yin kun fa yin izibir natoon ike̱ng iya aDauda tá nye be ánerawe wu nizen iya a tá fok izong aꞌa?

aMarkus 12:26

Kyo̱o̱rna natoon kudorok ikom, yin kun fa yin kaye̱e̱r Kufumung aMusa a? Itak natoon kabuci. Adakunom tà fe̱ be wu ye, ‘Mi ne i nye Adakunom afe Ibrahim ne i nye Adakunom Ishaku, ne i nye Adakunom aYakub.’

aMarkus 12:9

“aYeso tú ku ri ba ye, ‘To̱, akye̱ ne atek riko̱'me ta ma nye e̱?’ A ta tseng nong a ta se fe̱s áner wu tú ku ko̱bo̱k ba riko̱'me, ne a won riko̱'me nubo̱k áner ákak ze̱e̱r.