aMarkus 11:25 - Izere New Testament

²⁵ Izen iya yin no̱ yin ninye aduwa, ke yin be yin ike̱ng ikak be akak kaye̱e̱r riye̱ yin, ku re̱ng yin'e, nong Ada yin afe a ta se kaye̱e̱r kaza tà ma ka re̱ng yin rine̱n yin gip.

aMarkus 11:25 Referans Kwoze

aKolosi 3:13

Naka tsesek yin be áfudang yin, ke akak kaye̱e̱r yin nye afudang wu rine̱n ne a ku re̱ng'e. Naka re̱ng yin rine̱n yin kyo̱ndi Agwo̱m Ágwo̱m ta ka nye yin'e.

Afisa 4:32

Sor yin gye̱r be áfudang yin, naka di yin be kuro̱ riye̱ ne i naka nye yin igaas kyo̱ndi Adakunom ta ka re̱ng yin rine̱n yin kaye̱e̱r aKiristi.

aLuka 6:37

“Sang tu to̱ yin akak amok baꞌ, fan a ba ka to̱ yin'e. Sang tu te̱n yin akak amok baꞌ, fan a ba ka te̱n yin'e. Re̱ng yin ákak rine̱n ba, nong a tà ma ka re̱ng yin rife̱ yin.

aMatiyu 6:12

Ni re̱ng yir rine̱n yir, kyo̱ndi yir tá re̱ng yir áya afe a tin nye yir rine̱n.

aMatiyu 5:23

“Kamok anong, ke wan sen no̱o̱k abeko wan nasho̱o̱n abagadi'me, wan ra yiring ye aronyining wan be ike̱ng ikak be wan,

aYakub 2:13

Kamok koangan a ta se dar kuro̱ riye̱, Adakunom tu ku to̱ amok dar kuro̱ riye̱. Kuro̱ riye̱ be kusas riye̱ natoon amok.

aMatiyu 6:5

“Izen iya ne yin tà nye yin aduwa, sang tu nye yin kyo̱ndi ákardak áner ta nye baꞌ, kamok ba shim kunye aduwa nunyeseng kaye̱e̱r atu aduwa ba ni ikim iren nong ánerawe ta ka di ba. Won ta ka tak yin katsak'e, ba n shan ishorong ba cei nakuruk.

aLuka 18:11

Aner aFarisi ame dorok nong a tá nye aduwa ye, ‘Adakunom, mi shim tá ka tonong riye̱ rikan'i, kamok sang mi se kyo̱ndi ribir ánerawe, á ta nye ákpatang, ka áfe amaan kunye baꞌ. Mi nye rikuna ne i se kyo̱ndi afe kushashang itso̱m iben na baꞌ.

Ike̱ng a ta tonong aYohana 11:4

Ike̱re̱ afa'ong nye atin nafar afa ame ne íro̱ng ifa ame i ta se nunyeseng nasho̱o̱n Agwo̱m Ágwo̱m kazatse cice̱r.

aLuka 18:13

“Amma afe ku shashang itso̱m iben ame nyeseng gugo̱k, a kyem a sok anyisi naza baꞌ, a korok ibo̱k nafok a tá fe̱ ye, ‘Adakunom, ro̱ riye̱ mi, mi nye afe rine̱n.’