aMarkus 11:23 - Izere New Testament

²³ Katsak ne mi ta ka tak yin, koangan ne a fe̱ be rifan na ye, ‘Dorok nong ta se kpa kaye̱e̱r agbang kudung’ sang be agak riye̱ baꞌ, amma be riye̱ rizining ike̱ng iya wu ta fe̱ ye i ra nye, i tà nye.

aMarkus 11:23 Referans Kwoze

aMatiyu 17:20

aYeso fe̱ be ba ye, “Kamok kuno̱o̱k katsak yin gop baꞌ. Won ta ka tak yin katsak'e, ke a fa fe̱ ye kuno̱o̱k katsak yin se hiir kyo̱ndi ica amusta ke yin kyem i fe̱ yin be kawhanang na ye, ‘Dorok aze ta be aza,’ ka tà dorok. Ike̱ng ikak tà ka gaar yin kunye baꞌ.”

aYohana 15:7

Ke yin sor kaye̱e̱r'i ne rife̱ mi se kaye̱e̱r yin, yin tà rip yin koakye ike̱ng yin ta shim yin, a tà ka nye yin'e.

aMatiyu 21:21

aYeso fe̱ be ba ye, “Katsak'e ne mi ta ka tak yin, yin gip ke yin no̱o̱k yin katsak sang ke riye̱ yin se gak baꞌ, yin ta kyem i nye yin ike̱ng iya i ta nar iya mi tá nye be ritin atafo na, yin ta kyem fe̱ yin be rifan na ye, ‘Dorok ta se kpa kaye̱e̱r agbang kudung,’ ku tà nye anong.

aYohana 14:13

Koakye ne yin rip yin kaye̱e̱r riyerek'i, mi ta ka nye yin'e nong Ada'me ta se̱ kuyiik kamok igon'e.

aLuka 17:6

Iyong Agwo̱m Ágwo̱m'me fe̱ be ba ye, “Yin fa be yin kuno̱o̱k katsak hiir kyo̱ndi ica naya a ta yis ye amusta, ke yin fe̱ yin be agbang kakon na ye, ‘Wuruk be atsip wan nong ta se nyeseng kaye̱e̱r agbang kudung,’ ka ta kuus ike̱ng iya yin tá fe̱ yin.”

1 aKoranti 13:2

Ko mi fa nye kuzarap, ne i ren koakye ike̱ng iya i ta se nune̱re̱ng, ne i be kukyem kuren koakye ike̱ng, ne ko mi fa be kuno̱o̱k katsak dide̱ng ma i kyem i fe̱ be rifan ye tseng aza ne ri tseng, amma sang ke mi ra be kushim baꞌ, to̱, i nye ye mi nye ike̱ng ikak baꞌ.

aMatiyu 14:13

Nizen aYeso tá fok itak'e, iyong a dorok azong a tá no̱ nukpara ashi a tá be naro̱ kakak wu ze̱r. Ánerawe tá fok anong ye, á won kuwo̱p'e ayong á tú ku kuus be atak.