aMarkus 11:18 - Izere New Testament

¹⁸ Agbang átsi ne áner kubo̱so̱p Itsi tá fa fok anong ne kpaan kutse̱r iren iya a tana ku fe̱r. Ba fok inyim wu, kamok ánerawe'me cei tá te zhing be kubo̱so̱p wu.

aMarkus 11:18 Referans Kwoze

aMatiyu 7:28

Nizen aYeso tá gang kufe̱ anong, iyong rigwo̱m ánerawe ame te zhing be kubo̱so̱p wu,

aMarkus 12:12

Ayong á tse̱r iren kuyiir aYeso kamok ba ren ye, a ti nye kumaas'e natoon ba. Á ra fok inyim ánerawe'me, yong á tú won nong a tá tseng.

Itomong Ámanzo 24:25

Nizen iya aBulus tá fe̱ rife̱ natoon kuse kutek nasho̱o̱n Adakunom be kuyiir rice ne amok a tana to̱ kazatse'me, aFelis fok inyim. Iyong a fe̱ ye, “I kyem anong, tseng makong. Izen iya mi ta di i ti se gye̱r, mi ta tom a ta ka yis.”

aYohana 7:46

Ayong áner aya a tú ku tom ba ame fe̱ ye, “Aner akak kun fe̱ kanu kyo̱ndi aner na baꞌ.”

aLuka 20:19

Áfe kubo̱so̱p Itsi be ágbang átsi tse̱r iren, á tana wor á yiir aYeso, kamok ba ren ye a ti nye kumaas'ong natoon ba, á ra fok inyim ánerawe'me.

aLuka 19:47

aYeso bo̱so̱p ánerawe'me koakye katuk kaye̱e̱r agbang kutu kuya Adakunom iben'e, ágbang átsi be áfe kubo̱so̱p Itsi ne áko̱k kasho̱o̱n kaye̱e̱r ánerawe'me tse̱r á tú ku fe̱r.

aLuka 4:22

Koangan fe̱ itek natoon wu, ne á te zhing be Rife̱ Ritek ri tá wuruk nanu wu. Ne á na risim ye, “Igon aYusufu na aꞌa?”

aMarkus 11:32

Amma ke yir fe̱ yir ye, ‘A nye afe anerawe.’ ” (Ba fok inyim anerawe, kamok koangan ren ye aYohana nye aner kuzarap.)

aMarkus 6:20

Kamok aHiridus fok inyim aYohana, ne a ren ye a nye aner a tá be katsak ne a se zhe̱l. Ayong a tú fek, nizen aHiridus tá fok rife̱ aYohana ne a no̱ nudaam dide̱ng, gip be anong a shim a tá ku fok.

aMarkus 3:6

Áner aFarisi tá fa di anong ayong á wuruk nufang nong á ta se nye ibo̱ro̱ng mak be áner aHiridus nong a tá fe̱r aYeso.

aMarkus 1:22

Ánerawe'me te zhing be kubo̱so̱p wu, kamok a tú ku bo̱so̱p ba'me kyo̱ndi aner aya a ta be kukyem, sang kyo̱ndi aner aya a ta bo̱so̱p ánerawe Itsi baꞌ.

aMatiyu 21:15

Amma nizen ágbang atsi ne áner kubo̱so̱p Itsi ta di itomong azhing wu tá nye, ma inoon tang ito̱ naza kaye̱e̱r kubang agbang kutu kuya Adakunom iben ame ye, “Nakerek nye nafe Igon aDauda,” Ayong aye̱ ba beseng.

aLuka 2:47

Koangan afe á tú ku fok, te zhing kamok kuren ike̱ng wu be kuri kushiish wu tá shiish.

aYohana 7:1

Nama anong, aYeso tsang a gorok aGalili. Amma shim a tá tseng kaye̱e̱r aYahudiya baꞌ, kamok áner aYahuda á tá se azong shim a tú ku fe̱r.

aYohana 7:19

Aser, aMusa ne a tá ka no̱o̱k yin Itsi aꞌa? Amma gip be anong, akak kuse kaye̱e̱r yin a ta kuus Itsi'me baꞌ. Akye̱ sak yin shim tin fe̱r yin e̱?”