aMarkus 10:52 - Izere New Testament

⁵² aYeso fe̱ be wu ye, “Tseng, kuno̱o̱k katsak wan sak wan te atser.” A wor a kpaan i di karo̱ ne a kuus aYeso. A tsang a tseng mak be aYeso.

aMarkus 10:52 Referans Kwoze

aMatiyu 9:22

aYeso tá fa kirik a tú ku di, yong a fe̱ be wu ye, “Sang wan tu daam baꞌ, angas, kuno̱o̱k katsak wan n sak wan n te atser.” Ne abining'e wor a te atser nizen iyong.

aLuka 7:50

Ne aYeso fe̱ be abining'e ye, “Kuno̱o̱k katsak wan ma ka shesh, tseng caang.”

aMarkus 8:25

aYeso bun a ti sak kubo̱k wu natoon anyisi aner ame. Ayong anyisi aner ame karak ne a se̱ kudi karo̱, ne a di koakye gye̱r.

aMarkus 5:34

Ayong aYeso fe̱ be wu ye, “Angas, kuno̱o̱k katsak wan sak wan te atser. Tseng caang wan n te atser kaye̱e̱r kuro̱k wan.”

aYohana 9:32

Akak kun fok a tan karak anyisi aner aya a tú ku tes akpato̱o̱n'e baꞌ.

aMatiyu 15:28

Ayong aYeso fe̱ be wu ye, “Anyiningkasa, kuno̱o̱k katsak wan se gaan. Ike̱ng wan ta shim a tà ka nye'me.” Nizen iyong angas wu ame wor a te atser.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

aMarkus 1:31

Ayong aYeso tseng nufu, ne a yiir kubo̱k wu nong a tú ku ko̱ro̱k nong a tá sonong tsik. Kuro̱m kuzhoosh'e tú won yong a tú nyes ba.

aMatiyu 21:14

Ákpato̱o̱n be ákun be̱s nufu kaye̱e̱r kubang agbang kutu kuya Adakunom iben'e ne wu ku sak ba á ta te atser.

aMatiyu 12:22

Ayong a be̱ be aner akak nufe aYeso a tá nye akpato̱o̱n'e ne a nye agbanu'me gip a tá be amaan kabik. aYeso tú sak a ta te atser ne a di karo̱ ma a fe̱ kanu.

aYohana 9:39

aYeso fe̱ ye, “Mi be̱ nazatse na nong ta to̱ amok, nong aya a ta di karo̱ baꞌ tà se̱ kudi karo̱, ne áfe a ta di tà te ákpato̱o̱n.”

aMatiyu 11:5

ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e.

aLuka 9:48

Ne a fe̱ be ba ye, “Aner aya ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Aner aya ne a ti shan, i nye ye a shan aya a tin tom, kamok aner afe a ta mees rice wu ye wu raar kaye̱e̱r yin cei, wu ne a nye ayiik'e ne a nar.”

aMatiyu 8:3

Ayong aYeso nabak kubo̱k nong a tá ra aner ame, ne a fe̱ be wu ye, “Mi shim, te atser!” Nizen izining rikparo̱ng'e wor ri tú won.