aMarkus 10:48 - Izere New Testament

⁴⁸ Anerawe dide̱ng tu tigba ye, a ra sor gbik, amma a bun a ti barang kuyis be agap dide̱ng ye, “Igon aDauda ro̱ riye̱ mi!”

aMarkus 10:48 Referans Kwoze

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

aLuka 18:39

Ánerawe áya a tá se nasho̱o̱n tú tigba ye a ra te gbik. Amma a bun a ti barang kuyis be agap dide̱ng ye, “Igon aDauda, ro̱ riye̱ mi!”

aMarkus 5:35

Nizen aYeso tá ru fe̱ anong, áner ákak ne nasa aZharus, ako̱k kasho̱o̱n kutu aduwa, nong á tá be fe̱ be wu ye, “Angas wan n ku. Akye̱ sak wan tá bun i daam aner kubo̱so̱p e̱?”

aMatiyu 20:31

Rigwo̱m anerawe'me tú zhe̱e̱r ba ye á ra tigbik, amma ákpato̱o̱n ame bun á ti barang kuta kuto̱ naza ye, “Igon aDauda, ro̱ riye̱ yir.”

aMatiyu 19:13

Ne a be̱s be inoon nazhizhe̱k'e nufe aYeso nong a tin saas ibo̱k niba ne a kunye ba aduwa. Amma álimazhiri wu zhe̱e̱r áya a tá be̱s be inoon'e.

Afisa 6:18

Yiir inye yin aduwa koakye izen kaye̱e̱r kukyem Kabik. Nye yin aduwa ne i rip yin koakye kuri ike̱ng iya yin ta tse̱r yin. Sor yin be kanye̱k koakye izen ne i ya yin kasho̱o̱n be aduwa kamok ázhe̱l'e.

aMatiyu 9:27

aYeso tá fa won azong, iyong ákpato̱o̱n afa san ku kukuus ne á tang kuto̱ ne á ku yis ye, “Igon aDauda, ro̱ riye̱ yir!”

aMarkus 10:13

Ánerawe yiir be̱s be inoon nazhizhe̱k'e nufe aYeso nong a tu ku nye ba aduwa, amma álimazhiri wu zhe̱e̱r ánerawe'me.