aMarkus 10:43 - Izere New Testament

⁴³ I tu se anong be yin baꞌ, amma aya ne a shim a ta ti ayiik'e kaye̱e̱r yin to̱, a ta sor kyo̱ndi asam kaye̱e̱r yin ingya.

aMarkus 10:43 Referans Kwoze

aLuka 14:11

Kamok koangan ne a mees rice wu a tú ku tiyiik, aner aya ne a sok rice naza a tà te be wu fe̱re̱.”

aMarkus 9:35

Ayong aYeso sonong nong a ta yis álimazhiri wu kuso̱k be afa nong, a ta fe̱ be ba ye, “Ke akak shim a ta te afe ime̱se̱ng'e, ma a te afe igang'e dim, ne a sor asam a koangan.”

aLuka 9:48

Ne a fe̱ be ba ye, “Aner aya ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Aner aya ne a ti shan, i nye ye a shan aya a tin tom, kamok aner afe a ta mees rice wu ye wu raar kaye̱e̱r yin cei, wu ne a nye ayiik'e ne a nar.”

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

aYohana 18:36

Ayong aYeso fe̱ be wu ye, “Rigwo̱m'i nye rife̱ kazatse na baꞌ. A fa fe̱ ye ri nye rife̱ kazatse na ke áfe a tin nye itomong kon nong á ta te̱ne̱ng áner aYahuda ku ni yiir. Amma kyo̱o̱rna rigwo̱m mi se naro̱ kakak.”

aLuka 18:14

“Ne aYeso fe̱ be ba ye, mi tà ka tak yin afe ku shashang itso̱m iben'ong tú bun kari an te zhe̱l nasho̱o̱n Adakunom, Sang aner aFarisi ame baꞌ. Koangan ne a tiyiik rice wu a ta te be wu fe̱re̱, aner aya a tá mees rice wu a tu ku tiyiik.”

aMarkus 10:42

aYeso tu yis ba naro̱ kazining a tá fe̱ be ba ye, “Yin ren yin a tu ku di ba kyo̱ndi áko̱k kasho̱o̱n áner aya a ta nye áner aYahuda baꞌ, ti nye rigwo̱m natoon ba ne ribir ako̱k kasho̱o̱n'e ti nye ni ba.

aMarkus 10:44

Aner aya a ta shim a ta nar áfudang be kuyiik, i nye ye ma a te asam cice̱r,

aLuka 22:26

Sang tu nye yin anong baꞌ. Afe a ta nye ayiik'e kaye̱e̱r yin ra se kyo̱ndi igon kahiir'e. Ne afe a tin nye rigwo̱m na ánerawe ra se kyo̱ndi asam.