aMarkus 10:24 - Izere New Testament

²⁴ Álimazhiri'me te zhing be rife̱'me. Ayong aYeso bun a fe̱ be ba ye, “Inoon'e, i ta ro̱ dide̱ng anerawe tana no̱ kaye̱e̱r rigwo̱m Adakunom!

aMarkus 10:24 Referans Kwoze

Ike̱ng a ta tonong aYohana 3:17

Wan fe̱ ye, ‘Mi nye arum mi be kurum dide̱ng, mi ba tse̱r ike̱ng ikak baꞌ.’ Wan ra ren baꞌ, wan n te riye̱ riye̱, wan be rizor, wan n te ike̱ng kuro̱ riye̱, wan nye akpato̱o̱n'e ne i se ica'me gip.

1 aTimoti 6:17

Tak áya a ta be kurum kaye̱e̱r kazatse na be agbang kuto̱ ye sang á tu ya kuka be kurum ba baꞌ, ka á tin te aye̱ natoon kurum ba baꞌ, kuya ku tana gang koakye izen. Amma á rin te aye̱ na Adakunom aya a tin nyesek yir koakye ike̱ng kpe̱ iya yir tanin fok yir kusas'e.

aLuka 16:14

Áner aFarisi á ta shim itso̱m dide̱ng tá fa fok anong, ne á ni ko̱k acoop na aYeso.

1 aYohana 2:1

Inoon'i, yin aya mi ta shim, mi tá zibir yin ike̱re̱ na fan yin bu nye yin rine̱n. Amma ke akak yin bun a nye rine̱n, Adakunom tu ku re̱ng'e kamok yir be yir akak a tana nyeseng rice yir nasho̱o̱n Adakunom a ta nye Ada'me. Wu ne a nye aYeso Kiristi aya a ta se zhe̱l nasho̱o̱n Adakunom.

aYohana 13:33

“Inoon'i, mi tà se be yin nizen cie̱k tsek. Yin tin tse̱r yin, amma kyo̱ndi mi tá fe̱ be áner aYahuda, anong ne mi bun i fe̱ be yin ye, ‘Karo̱ kaya mi tù ku be yin ta kyem i tseng yin baꞌ.’

1 aYohana 5:21

Kamok anong, inoon'i, yin aya mi ta shim, sor yin gugo̱k be ike̱re̱ ife i ta nye ife adakunom afe abo̱o̱s.

1 aYohana 4:4

Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

aGalati 4:19

Inoon'i naya mi ta sen niso̱ risam kyo̱ndi aner abining ta te̱s ma yin te yin kyo̱ndi aKiristi.

aYohana 21:5

Ayong aYeso fe̱ be ba ye, “Aro̱, yin yiir yin izos ko izining aꞌa?” Ayong ba fe̱ ye, “Wayo.”

aYohana 6:60

Be kufok ike̱ng a tá fe̱ ákak kaye̱e̱r álimazhiri wu whe̱r fe̱ ye, “Kubo̱so̱p kuyu ro̱ dide̱ng. Angan ta shim e̱?”

aMatiyu 19:25

Álimazhiri ame tá fa fok anong, á tu te ba zhing dide̱ng, iyong á fe̱ ye, “To̱, ke anong, iyong angan ne a ta se̱ kashesh e̱?”

aMarkus 1:27

Ánerawe cice̱r te zhing ma á kpaan ku naka risim ye, “Kai, akye̱ na e̱? Kubo̱so̱p kufas be kukyem! Aner na fe̱ be ámaan nabik ne i ku fok.”

aMarkus 10:23

Ayong aYeso ye̱re̱k ánerawe ne a gorok'e, ne a fe̱ be álimazhiri wu ame ye, “I ta ro̱ dide̱ng arum ta no̱ kaye̱e̱r rigwo̱m Adakunom!”