aMarkus 10:23 - Izere New Testament

²³ Ayong aYeso ye̱re̱k ánerawe ne a gorok'e, ne a fe̱ be álimazhiri wu ame ye, “I ta ro̱ dide̱ng arum ta no̱ kaye̱e̱r rigwo̱m Adakunom!”

aMarkus 10:23 Referans Kwoze

1 aKoranti 1:26

Ároneng, yiring yin be kuri kuse yin tin se yin nizen iya Adakunom tá ka yis yin. Áfe a tá be ritseng kuri rife rinerawe kaye̱e̱r yin se whe̱re̱ baꞌ. Áfe a tá nye agbang aner kaye̱e̱r yin se whe̱r baꞌ, whe̱re̱ kaye̱e̱r yin nye áfekasa rigwo̱m baꞌ.

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

aLuka 18:24

aYeso tá di riye̱ riwe wu, yong a fe̱ be wu ye, “I tà ro̱ dide̱ng arum ta no̱ kaye̱e̱r rigwo̱m Adakunom!

aMarkus 3:5

aYeso tú ye̱re̱k ba be riye̱ kubeseng ne a nye riye̱ riwe dide̱ng kamok atep aye̱ ba. Ayong aYeso fe̱ be aner ame ye, “Nabak kubo̱k wan.” Aner ame nabak kubo̱k wu, yong kubo̱k'e te kutser gye̱r.

2 aBitrus 1:11

Be anong ne a tà ka shan yin ibo̱k ifa kaye̱e̱r rigwo̱m Agwo̱m Ágwo̱m rife̱ izen izen rife̱ Aner Kashesh yir.

aYakub 4:4

yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

aMarkus 10:15

Katsak ne mi ta ka tak yin, koangan ne a shan rigwo̱m Adakunom kyo̱ndi igon kahiir'e baꞌ, a ta kyem a no̱ kaye̱e̱r rigwo̱m Adakunom baꞌ.”

aMarkus 5:32

Amma aYeso yiir ye̱re̱k ne a gorok, ka a ta di aner a tú ku ra'e.

aMatiyu 18:3

Ne a fe̱ be ba ye, “Won ta ka tak yin katsak'e, sang ke yin shishing yin kuse yin nong i tà te yin kyo̱ndi inoon nazhizhe̱k'e baꞌ, yin tà no̱ yin kaye̱e̱r rigwo̱m kaza baꞌ.

aMarkus 10:22

Acam ame tá fa fok anong yong a roos kanyisi. A tú bun be riye̱ riwe, kamok wu tá nye arum dide̱ng.