aMarkus 10:22 - Izere New Testament

²² Acam ame tá fa fok anong yong a roos kanyisi. A tú bun be riye̱ riwe, kamok wu tá nye arum dide̱ng.

aMarkus 10:22 Referans Kwoze

aLuka 12:15

Ne aYeso fe̱ be ba ye, “Sak yin riye̱, ne i nye yin tatan be koakye kuri amaan kuye̱re̱k, kamok kube ike̱ng whe̱r ne kunye kusor kutek baꞌ.”

2 aTimoti 4:10

kamok aDemas min won kamok kushim kazatse na, nong a tá be na aTasalonika, aKirishen be na aGalati, aTitus be aDalmatiya.

Afisa 5:5

Kamok yin ren yin tseng tseng ye aner a ta nye rikuna ka aner a ta nye ike̱re̱ isum ka aner a ta be rinyisi rikan (aner kuri ayong se kyo̱ndi aner a ta kuus itsi) á be ishorong kaye̱e̱r rigwo̱m aKiristi ka rife Adakunom baꞌ, ko cie̱k.

2 aKoranti 7:10

Riye̱ riwe kuri riya Adakunom ne a ta be̱e̱n'e, sak anerawe shishing kuse wu, ri sak anerawe ta se̱ kashesh a ta fe̱ ye wu fa ren baꞌ, amma riye̱ riwe kuri rife̱ kazatse be̱ be riku.

aLuka 18:23

Nizen aner ame tá fok anong, a nye riye̱ riwe dide̱ng, kamok a nye arum'e dide̱ng.

aMatiyu 19:22

Nizen acam ame tá fok anong, a tú bun be riye̱ riwe, kamok wu tá nye arum'me.

aMatiyu 13:22

Íca'me iya i tá kpas kaye̱e̱r ikiritsan nye aner a ta fok rife̱'me, amma ke izen iya ne kudaam kusor kazatse be kushim kurum tu ku daam ne a beseng.

aMarkus 6:26

Agwo̱m'me daam dide̱ng, amma kamok wu ta tsang a ya kushu nasho̱o̱n átsen'e, a shim a tu ku roon ne baꞌ.

aMatiyu 27:3

Nizen aYahuza aya a tá re̱p aYeso tá fok ye an te̱n aYeso amok riku, yong a nye riye̱ riwe. A tú bun nufe ágbang atsi ne áko̱k kasho̱o̱n ame nong a ta su ku no̱o̱k ba itso̱m azurfa iso̱k itaar á tá tsang a ku no̱o̱k.

aMarkus 6:20

Kamok aHiridus fok inyim aYohana, ne a ren ye a nye aner a tá be katsak ne a se zhe̱l. Ayong a tú fek, nizen aHiridus tá fok rife̱ aYohana ne a no̱ nudaam dide̱ng, gip be anong a shim a tá ku fok.

aMarkus 10:21

aYeso tu ye̱re̱k be kushim. Ayong a fe̱ be wu ye, “Wan ru raar nike̱ng izining tsek. Tseng ta se re̱e̱s koakye wan ta be, kasap áfe rizor itso̱m'e. Wan ta se̱ kurum naza nong ta be̱ tin kuus.”

aMarkus 10:23

Ayong aYeso ye̱re̱k ánerawe ne a gorok'e, ne a fe̱ be álimazhiri wu ame ye, “I ta ro̱ dide̱ng arum ta no̱ kaye̱e̱r rigwo̱m Adakunom!”