aMarkus 10:2 - Izere New Testament

² Ayong áner aFarisi ákak be̱ nufu nong á tú ku bo̱mo̱ng, á tú ku rip ye, “I nye rine̱n anerawe ta kam be abining wu a?”

aMarkus 10:2 Referans Kwoze

aYohana 8:6

Ba nye kurip na nong á ta bo̱mo̱ng aYeso, nong ase̱ ba tà se̱ iren nong a tú ku yiir. Amma aYeso tiguum kaben nong a tá nye izibir be kabanbo̱k.

aMatiyu 23:13

“Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin te̱ne̱ng yin ánerawe iren kuno̱ kaye̱e̱r rigwo̱m kaza amma yin, yin no̱ yin baꞌ, yin won yin áfe a ta shim kuno̱ á ta no̱ baꞌ.

1 aKoranti 10:9

Sang tu bo̱mo̱ng yir Agwo̱m Ágwo̱m kyo̱ndi ákak ba tá nye ma íwhen tá ka fe̱s ba baꞌ.

aYohana 11:57

Amma ágbang átsi ne áner aFarisi tsang á fe̱ ye, ke akak fok karo̱ aYeso'me tú ku se, ne a ku tak ba nong á tù ku yiir.

aYohana 11:47

Kamok anong ágbang átsi ne áner aFarisi'me yis kanyim áko̱k kasho̱o̱n. Ne á fe̱ ye, “Akye̱ ne yir ta nye yir e̱? Aner na ta nye itomong azhing dide̱ng an e̱?

aYohana 7:48

Ka yin kun di yin ako̱k kasho̱o̱n ka aner aFarisi akak tá kun ni no̱o̱k katsak ni wu a?

aYohana 7:32

Áner aFarisi fok ánerawe tá tsang á fe̱ cucuk natoon aYeso, yong ágbang atsi ne áner aFarisi'me tom áfe a ta tor agbang kutu kuya Adakunom iben'e ye á ra se yiir aYeso'me.

aLuka 16:14

Áner aFarisi á ta shim itso̱m dide̱ng tá fa fok anong, ne á ni ko̱k acoop na aYeso.

aLuka 11:39

Ayong aYeso fe̱ be wu ye, “Yin áner aFarisi, yin daam yin be kukusu nama áko̱p be nakereng, amma yin be yin amaan kuse kaye̱e̱r aye̱ yin ne i mo̱o̱r yin ánerawe.

aLuka 7:30

Áner aFarisi be áfe a tá ren Itsi dide̱ng raba kanye̱k Adakunom natoon ba, kamok sang aYohana tsang a ku nye ba abatisma baꞌ.

aLuka 6:7

Áner aFarisi be áfe kubo̱so̱p Itsi se be kutse̱r iren a tana se̱ aYeso be rine̱n. Iyong á ti sak anyisi ni wu nong á tá di ka a tà sak akak ta te atser katuk Asabar'e.

aLuka 5:30

Áner aFarisi ne áfe kubo̱so̱p Itsi aya a ta se nigung rice ba san anyinye̱m be álimazhiri wu ye, “Akye̱ sak yin yas ne i so̱ yin be áfe ku shashang itso̱m iben ne áfe rine̱n e̱?”

aMarkus 8:15

aYeso tu ko̱ro̱k ba kuto ye, “Nye yin tatan be ayisti áner aFarisi ne aHiridus.”

aMarkus 8:11

aFarisi akak be̱ nufe aYeso, nong a tu ku bo̱mo̱ng, yong á fe̱ be wu ye, a ra nye ike̱ng ikak ife azhing iya i tana tonong ye wu ne naza.

aMatiyu 22:35

Akak kaye̱e̱r ba a tá ren Itsi dide̱ng a shim a tá bo̱mo̱ng aYeso, iyong a tú ku rip ye,

aMatiyu 19:3

Áner aFarisi ákak be̱ nufu nong á tú ku bo̱mo̱ng be kurip ye, “Ise gye̱r ánerawe ta kam be abining wu ke a tú ku nye ike̱ng ikak a?”

aMatiyu 16:1

Áner aFarisi ne áfe aSadusi be̱ nufe aYeso nong a tú ku bo̱mo̱ng ye, a ra nye ike̱ng ikak ife azhing iya i tana tonong ye wu ne naza.

aMatiyu 15:12

Iyong álimazhiri wu be̱ nufu á ta fe̱ ye, “Wan ren ye aner aFarisi aye̱ beseng be ike̱ng iya wan tá fe̱'ong aꞌa?”

aMatiyu 9:34

Amma áner aFarisi fe̱ ye, “Be kukyem agwo̱m ítseng'e ne a ti turung nabik'e.”

aMarkus 10:1

Ayong aYeso won karo̱ kayong nong a tá be niben aYahuda, ne a tar isho̱ng aUrdun. Rigwo̱m ánerawe be̱s nufu gbak ne a bun ku bo̱so̱p ba'me kyo̱ndi a tan me̱ ne a nye.

aMarkus 10:3

Ayong aYeso fe̱ be ba ye; “Akye̱ ne aMusa fe̱ be yin e̱?”