aMarkus 10:19 - Izere New Testament

¹⁹ Wan ren ike̱ng iya Itsi tá fe̱ ye a ra nye, ‘Sang tu nye rikuna baꞌ. Sang tu fe̱r akak baꞌ. Sang tu nye itsang baꞌ. Sang tin bo̱ naborok nakak baꞌ. Sang tu mok akak baꞌ. Tiyiik ada be ango̱ wan.’ ”

aMarkus 10:19 Referans Kwoze

aRom 13:9

Kamok Itsi fe̱ ye, “Sang tu nye rikuna baꞌ, Sang tu fe̱r akak baꞌ, Sang tu nye itsang baꞌ, Sang tu be rinyisi rikan baꞌ,” be ribir ike̱re̱ ikak Itsi ta roon'e, a ta kyem a gung cice̱r a ta fe̱ ye, “Shim afegbak wan kyo̱ndi wan ta shim rice wan.”

aYakub 2:11

Kamok wu afe a ta fe̱ ye, “Sang tu nye rikuna baꞌ,” wu ne a bun a fe̱ ye, “Sang tu fe̱r akak baꞌ.” Ke wan nye rikuna baꞌ, amma wan fe̱r akak ko̱, i sor wan shorop Itsi.

aLuka 18:20

Wan ren ike̱ng iya Itsi tá fe̱ ye a ra nye, ‘Sang tu nye rikuna baꞌ. Sang tu fe̱r akak baꞌ. Sang tu nye itsang baꞌ. Sang tin bo̱ naborok nakak baꞌ. Tiyiik ada be ango̱ wan.’ ”

1 aTasalonika 4:6

Kyo̱ndi yir tá tsang i fe̱ yir, ne i bun i ka zhe̱she̱k yin ye, sang akak tu beseng afudang riye̱ baꞌ, ka a tu ku nye ike̱ng ikak imaan'e baꞌ, kamok Agwo̱m Ágwo̱m yir ne a ta to̱ áner kuri ayong amok.

aGalati 5:14

Kamok Itsi fe̱ natoon ike̱ng izining ye, “Shim afegbak wan kyo̱ndi rice wan.”

aGalati 4:21

Ni tak yin, yin áfe i ta shim yin Itsi tin nye rigwo̱m natoon yin, yin ren yin ike̱ng iya Itsi'me tin fe̱ aꞌa?

aRom 3:20

Akak ta se̱ ku te gye̱r nasho̱o̱n Adakunom kamok a ta kuus ike̱ng iya Itsi tá fe̱ ye a ra nye baꞌ. Ike̱ng iya Itsi ta nye se ye, nong i ta tonong ánerawe rine̱n ba ingya.

aMarkus 10:18

Ne aYeso fe̱ be wu ye, “Akye̱ sak wan tin yis ye aner atek e̱? Akak kuse a ta nye atek ze̱e̱r be Adakunom baꞌ.