aMarkus 10:17 - Izere New Testament

¹⁷ aYeso tá se be kutseng kutsang wu, yong aner akak tsang a teng nong a tá be̱ a tigbok akuur nasho̱o̱n wu nong a tá fe̱ be aYeso'me ye, “Aner Kubo̱so̱p atek, akye̱ ne mi ta nye nong ta se̱ kutser kufe izen izen e̱?”

aMarkus 10:17 Referans Kwoze

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aLuka 10:25

Katuk kakak, aner akak a tá ren Itsi aMusa dide̱ng dorok nong a tá bo̱mo̱ng aYeso be kurip ye, “Aner Kubo̱so̱p, akye̱ ne mi ta nye nong ta se̱ kutser kufe izen izen e̱?”

Itomong Ámanzo 16:30

A tú ku tun ba nufang nong a tá fe̱ ba ye, “Atekasa, akye̱ dim ne mi tà nye nong ta se kashesh e̱?”

Itomong Ámanzo 2:37

Ánerawe tá fa fok anong, rife̱'me tú ku ra ba naye̱ ma a daam dide̱ng. Ne á fe̱ be aBitrus ne ribir ámanzo'me ye, “Ároneng, yir ta nye yir ane̱ e̱?”

Itomong Ámanzo 20:32

“Kyo̱o̱rna, mi ta won yin nubo̱k Adakunom. Ritek wu se mak be yin. Wu ta sak yin tin barang yin kukpa agap ne a ka no̱o̱k kutse kaye̱e̱r áner aya wu ta sak an te zhe̱l.

Itomong Ámanzo 9:6

“Dorok nong ta no̱ kaye̱e̱r kuwo̱p nong a tà ka tak ike̱ng iya wan tana nye.”

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aMatiyu 17:14

Nizen iya ba tú ku bun nufe rigwo̱m ánerawe ame, aner akak be̱ nufe aYeso a tá tigbok akuur kaben nasho̱o̱n wu.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

aYohana 5:39

Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i.

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aMarkus 12:14

Á tá be̱ nufu ne á fe̱ ye, “Aner kubo̱so̱p, yir ren yir ye, wan nye aner katsak. Ánerawe kyem a ka kirik baꞌ. Wan ye̱re̱k ánerawe kuri kuzining, amma wan bo̱so̱p iren Adakunom be katsak tsek. I se gye̱r yir ta karang yir aKaisar itso̱m iben aꞌa?

aMarkus 9:25

Nizen aYeso ta di rigwo̱m ánerawe be naro̱'me zizirik. Ayong a tigba amaan kabik'e ye, “Wan kabik rigbato be rigbanu, mi fe̱ be wan be agbang kuto̱ ye, ‘Wuruk kaye̱e̱r wu, tu ba no̱ kaye̱e̱r wu gbak baꞌ.’ ”

aMarkus 1:40

Aner akak a tá be rikparo̱ng be̱ nufe aYeso, a tá be̱ tigbok akuur a tú ku nye izong nong a tá fe̱ be wu ye, “Ke wan shim, wan ta kyem i ni sak ta te zhe̱l.”

aMatiyu 28:8

Iyong ányining ame wor á won kure̱k'e gbashak nong á ta be nufe álimazhiri ame be inyim amma be riye̱ rikan. Á tseng á teng ba nong á se tak álimazhiri'me.

1 aYohana 2:25

Ke yin nye yin anong, yin tà se̱ yin kutser kufe izen izen kuya aYeso tá tsang a no̱o̱k kuto̱ ye wu tin no̱o̱k yir.

aRom 6:23

Kamok ishorong rine̱n nye riku, amma kunang Adakunom nye kutser kufe izen izen kaye̱e̱r aYeso Kiristi Agwo̱m Ágwo̱m yir.

aMarkus 10:18

Ne aYeso fe̱ be wu ye, “Akye̱ sak wan tin yis ye aner atek e̱? Akak kuse a ta nye atek ze̱e̱r be Adakunom baꞌ.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

aTitus 3:7

A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

1 aBitrus 1:4

Be anong ne yir ti te yir riye̱ nong ta ya yir kutse kuya sang ku tana gang ka ku ta beseng ka ku tà te rish baꞌ, amma kuya a ta ka sak yin'e kaye̱e̱r kaza.