aMarkus 10:14 - Izere New Testament

¹⁴ aYeso tá fa di anong, yong a nye riye̱ riwe, a fe̱ be álimazhiri'me ye, “Won yin inoon nazhizhe̱k'e tu be̱s nunaan, sang tu ku roon yin ba kube̱ baꞌ, kamok rigwo̱m Adakunom nye rife̱ áner kuri áyuna.

aMarkus 10:14 Referans Kwoze

aMatiyu 19:14

aYeso fe̱ ye, “Won yin inoon nazhizhe̱k'e tu be̱s nunaan; sang yin tú ku roon yin ba'me baꞌ, kamok rigwo̱m kaza nye rife̱ iri ba.”

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

aMatiyu 18:4

Koangan afe a ta sok rice wu kyo̱ndi igon na, wu ne a nar yiik kaye̱e̱r rigwo̱m kaza.

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

2 aTimoti 3:15

Yiring, kum izen iya wan tá ru nye igon, wan tsang i ren rife̱ Adakunom rizhe̱l'e, riya ri tana kyem ka bo̱so̱p iren kuse̱ kashesh ke anerawe no̱o̱k katsak na aYeso Kiristi.

Ike̱ng a ta tonong aYohana 14:5

A kun fok akak ba be abo̱o̱s nanu wu baꞌ, kamok ba be rine̱n baꞌ.

2 aTimoti 1:5

Mi yiring be kuri kuno̱o̱k katsak kufe katsak kuya wan ta be, kuri kufe akaka wan aLoyis ne kufe ango̱ wan, aYunis, mi no̱o̱k katsak ye wan be kuri'me gip.

Afisa 4:26

Ke riye̱ yin beseng sang tin nye yin rine̱n baꞌ, sang akak tu won kunom tu kpa ne wu rusek be riye̱ kubeseng'e baꞌ.

1 aKoranti 14:20

Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.

1 aKoranti 7:14

kamok abining a ta nye abafe ikuus ta sak amitek wu ta te zhe̱l. Aner amitek a ta nye afikuus ta sak abining wu a ta nye afikuus baꞌ ta te zhe̱l. Ke anong baꞌ inoon yin ta “se zhe̱l baꞌ” amma kyo̱o̱rna, a se zhe̱l.

aRom 11:28

Áner Isarela te ámudo̱n Adakunom ku raba Rife̱ Ritek ba ta nye, i se anong kamok yin. Amma kamok a tú ku kasa ba, ba nye áner Adakunom ta shim kamok átukop ba,

aRom 11:16

Ke a no̱o̱k Adakunom ikpis abiredi, i nye ye agbang abiredi'me cice̱r te zhe̱l'ong gip. Ke ritin kakon'e se zhe̱l, to̱, i nye ye iwhang'e se zhe̱l gip.

Itomong Ámanzo 3:25

Yin nye yin inoon áner kuzarap, yin ne i nye yin áner aya a tana ya kutse kushu kuya Adakunom átukop. A fe̱ be Ibrahim ye, ‘Anerawe kazatse na cice̱r ta se̱ ritek kamok kuri wan.’

Itomong Ámanzo 2:39

Adakunom fe̱ ye wu tà ka no̱o̱k, Kabik Kazhe̱l'e, kamok yin be inoon yin ne áner aya a ta se gugo̱k, ne áya Agwo̱m Ágwo̱m yir Adakunom tana ku yis ba.”

aMarkus 8:33

Amma aYeso kirik a tá ye̱re̱k álimazhiri'me, ne a zhe̱e̱r aBitrus ye, “Kam be mi, wan Ishetan, wan to̱ kyo̱ndi ánerawe sang kyo̱ndi Adakunom baꞌ.”

aMarkus 3:5

aYeso tú ye̱re̱k ba be riye̱ kubeseng ne a nye riye̱ riwe dide̱ng kamok atep aye̱ ba. Ayong aYeso fe̱ be aner ame ye, “Nabak kubo̱k wan.” Aner ame nabak kubo̱k wu, yong kubo̱k'e te kutser gye̱r.

aMatiyu 5:3

“Áner riye̱ rikan ne á nye aner aya a ta ren kuraar ba kaye̱e̱r kabik, kamok rigwo̱m kaza nye rifuba.

aMatiyu 5:10

Áner riye̱ rikan ne á nye aner aya a tu ku tabak ba kamok ba nye ike̱re̱ iya i ta se gye̱r nasho̱o̱n Adakunom, rigwo̱m kaza nye rifu ba.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.