aMarkus 10:1 - Izere New Testament

¹ Ayong aYeso won karo̱ kayong nong a tá be niben aYahuda, ne a tar isho̱ng aUrdun. Rigwo̱m ánerawe be̱s nufu gbak ne a bun ku bo̱so̱p ba'me kyo̱ndi a tan me̱ ne a nye.

aMarkus 10:1 Referans Kwoze

aYohana 10:40

Ayong aYeso tú bun nunyi isho̱ng aUrdun naro̱ aYohana tá tsang a ku nye abatisma ni ime̱se̱ng, a tá se sor azong.

aMarkus 4:2

Ayong a tú ku bo̱so̱p ba ike̱re̱ whe̱re̱ be ku ninye kumaas, kaye̱e̱r kubo̱so̱p'e, a fe̱ be ánerawe'me ye,

aYohana 11:7

Ayong a fe̱ be álimazhiri wu ye, “I ku bun yir ni iben aYahudiya.”

aMarkus 6:34

Nizen aYeso tá wuruk kaye̱e̱r kukpara ashi'me, a di ánerawe whe̱re̱, yong a fok kuro̱ riye̱ ba, kamok a se kyo̱ndi itsamang dar afek. Ayong a san ku kabo̱so̱p ba ike̱re̱ whe̱re̱.

aMatiyu 4:23

aYeso gorok kaben aGalili cice̱r ne a bo̱so̱p ánerawe'me kaye̱e̱r atu aduwa ba, ne a ku taas ba Rife̱ Ritek natoon rigwo̱m kaza. Ne a sak áfe iro̱k iriri me tá te atser.

aYohana 18:20

aYeso fe̱ be wu ye, “Ei, mi fe̱ koakye ike̱ng kanang nasho̱o̱n koangan. Mi bun ibo̱so̱p ánerawe'me kaye̱e̱r atu aduwa ne kaye̱e̱r agbang kutu kuya Adakunom iben naro̱ kaya áner aYahuda tú ku nyiis cice̱r. Mi kun i fe̱ ike̱ng ikak ni nune̱re̱ng baꞌ.

aMarkus 6:6

A te zhing kamok kuwon dar kuno̱o̱k katsak ba. Ayong aYeso tsang a gorok ne a bo̱so̱p ánerawe'me kaye̱e̱r iwo̱p ikak izhizhe̱k'e.

aMarkus 2:13

aYeso bun awuruk a tá be nukim agbang kudung aGalili. Ánerawe whe̱re̱ be̱s nufu iyong a tú ku bo̱so̱p ba'me.

aMatiyu 26:55

Nizen iyong aYeso fe̱ be rigwo̱m ánerawe'me ye, “Mi nye akpatang yin ta be̱ yin be ishe̱n ne ítsor nong tin yiir yin e̱? Koakye kunom mi sor kaye̱e̱r agbang kutu kuya Adakunom iben ne i bo̱so̱p ánerawe'me, yin ti yiir yin baꞌ.

aMarkus 1:21

aYeso be áya a tú ku ku kuus be̱ kaye̱e̱r kuwo̱p aKapanum. Kunom Asabar tá fa nye, aYeso no̱ kaye̱e̱r kutu aduwa nong a tá bo̱so̱p ánerawe'me.

aMarkus 6:2

Kunom Asabar tá fa nye ayong a san kubo̱so̱p ánerawe'me kaye̱e̱r kutu aduwa. Ánerawe whe̱re̱ be̱ nong a tú ku foos, azhing tú ku yiir ba ayong áfe ye, “Aner na se̱ ike̱re̱ iyu akye̱? Akye̱ kuri kuren ike̱ng ne a tu no̱o̱k, nong a tin nye ike̱re̱ azhing e̱?

aMarkus 10:2

Ayong áner aFarisi ákak be̱ nufu nong á tú ku bo̱mo̱ng, á tú ku rip ye, “I nye rine̱n anerawe ta kam be abining wu a?”

aMarkus 12:35

aYeso ta se be kubo̱so̱p kaye̱e̱r kubang agbang kutu kuya Adakunom iben, ne a rip ye “Kamok akye̱ afe kubo̱so̱p Itsi fe̱ ye, aKiristi nye Igon aDauda e̱?

aMarkus 14:49

Koakye kunom mi se mak be yin, ne i bo̱so̱p ánerawe'me kaye̱e̱r kubang kutu kuya Adakunom iben, yin ti yiir yin baꞌ. I be kudaam baꞌ. Amma a nye anong, nong a tá shining ike̱ng iya rife̱ Adakunom tá fe̱ dim.”