aMarkus 1:41 - Izere New Testament

⁴¹ Kaye̱e̱r kuro̱ riye̱, aYeso nabak kubo̱k nong a tá ra aner ame. Ne a fe̱ be wu ye, “Mi shim, te zhe̱l!”

aMarkus 1:41 Referans Kwoze

aMatiyu 9:36

Nizen aYeso tá di ánerawe whe̱re̱, a ro̱ riye̱ ba, kamok á se nudaam, á be akak a tana ka tobok ba baꞌ. Á se kyo̱ndi itsamang dar afek.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

aMarkus 6:34

Nizen aYeso tá wuruk kaye̱e̱r kukpara ashi'me, a di ánerawe whe̱re̱, yong a fok kuro̱ riye̱ ba, kamok a se kyo̱ndi itsamang dar afek. Ayong a san ku kabo̱so̱p ba ike̱re̱ whe̱re̱.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

aMarkus 5:41

aYeso ko̱ro̱k kubo̱k kanamang ame, nong a ta fe̱ be wu ye, “aTalita kum!” (I ta sor ye, “Kaban kanamang, mi fe̱ be wan ye dorok!”)

aMarkus 4:39

Ayong aYeso dorok nong a tá tigba kuwun'e ne a fe̱ be agung ashi ame ye, “Nyeseng kyo̱o̱n” ne kuwun'e nyeseng ne karo̱ te win.

aMarkus 1:40

Aner akak a tá be rikparo̱ng be̱ nufe aYeso, a tá be̱ tigbok akuur a tú ku nye izong nong a tá fe̱ be wu ye, “Ke wan shim, wan ta kyem i ni sak ta te zhe̱l.”

aMarkus 1:42

Rikparo̱ng ame wor ri won aner ame. Aner'e te atser.