38 aYeso fe̱ be ba ye, “I tseng yir nuwo̱p kukak ku bubarak'e nong a se̱ mi ta taas rife̱ Adakunom azong gip. Iyu ne i sak mi tá be̱.”
Amma a fe̱ be ba ye, “Ma mi taas Rife̱ Ritek natoon rigwo̱m Adakunom ni iwo̱p ikak gip, kamok ike̱ng i ta sak a tin tom'ong.”
Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.
Mi tá be̱e̱n kuyiik kaye̱e̱r kazatse be itomong iya wan tin no̱o̱k i tá nye cei.
Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”
Ayong a tú ku rip ba ye, “Akye̱ sak yin tsang i ni tse̱r yin e̱? Yin ren yin ye gye̱r ke mi se nasa Ada mi aꞌa?”
Yir ta ya yir kasho̱o̱n be kunye itomong aya a tin tom dim. Kamok izen saase karo̱ tana te whi, akak ta ba kyem a nye itomong baꞌ.
Á tá fa ku se̱ ne á fe̱ be wu ye, “Koangan sen tsang a ka tse̱r.”
Iyong á tsang á tseng koake̱ kaye̱e̱r iben aGalili ne a tsang á taas rife̱ Adakunom kaye̱e̱r atu aduwa ba ne á turung ámaan nabik.