aMarkus 1:35 - Izere New Testament

³⁵ Bop nadiding ne karo̱ rusek whi, aYeso dorok a tseng naro̱ kakak wu ze̱r, nong a tá se nye aduwa.

aMarkus 1:35 Referans Kwoze

aLuka 6:12

Katuk kakak, kaye̱e̱r inom iyong aYeso ngarak natoon kawhanang nong a tá nye aduwa. A ko̱so̱ i nye aduwa'me.

Afisa 6:18

Yiir inye yin aduwa koakye izen kaye̱e̱r kukyem Kabik. Nye yin aduwa ne i rip yin koakye kuri ike̱ng iya yin ta tse̱r yin. Sor yin be kanye̱k koakye izen ne i ya yin kasho̱o̱n be aduwa kamok ázhe̱l'e.

aLuka 5:16

Amma aYeso yiir itseng ninaro̱ nakak nong a tá se nye aduwa kama wu gak.

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

aYohana 6:15

aYeso tá ren ye ba se be kanye̱k nong a tù ku sak a tà te agwo̱m be agap, ayong a bun a tú bun natoon kawhanang wu ze̱r.

aMatiyu 14:23

Nizen aYeso tú ku te ba niren. A se ngarak natoon kawhanang wu ze̱r nong a tá nye aduwa. Nizen kawheshirim tá fa nye, aYeso se azong wu ze̱r.

aFilipi 2:5

Kuse yin tu se kyo̱ndi kufe aYeso Kiristi.

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aMatiyu 14:13

Nizen aYeso tá fok itak'e, iyong a dorok azong a tá no̱ nukpara ashi a tá be naro̱ kakak wu ze̱r. Ánerawe tá fok anong ye, á won kuwo̱p'e ayong á tú ku kuus be atak.

aMarkus 1:36

Ayong aBitrus be áfudang akak tsang á ku tse̱r.