aMarkus 1:32 - Izere New Testament

³² Nawheshirim'ong, nama kunom tá kpa, ánerawe be̱s be áfe iro̱k ne áfe amaan nabik nufe aYeso.

aMarkus 1:32 Referans Kwoze

aMatiyu 8:16

Kawheshirim tá fa nye, a be̱s be ánerawe whe̱re̱ áya amaan nabik tá min no̱ niba nufe aYeso, ne aYeso turung nabik'e ne a sak áfe iro̱k cice̱r á ta te atser.

aLuka 4:40

Nizen kunom tá sen kpa, ánerawe be̱s be áfe iriri iro̱k cice̱r nufe aYeso, ne a ni saas ibo̱k natoon áfe iro̱k'e, ne á te atser.

aMarkus 3:2

Áner akak tuse azong á tá shim ke a di aYeso'me ta taam, iyong á tú ye̱re̱k nong á ta di ka a tá sak aner'e tá te atser katuk Asabar.

aMatiyu 4:24

Anong, itak wu tseng cei ma ni iben aSuriya ne á ku be̱s be áfe iro̱k ze̱r ze̱r cice̱r ne áfe á ta se risam dide̱ng, ne áfe amaan nabik be áfe kuro̱k kucicirim ne áfe a tá we̱ abas azining. A tú sak ba á tá te atser.

aMarkus 1:21

aYeso be áya a tú ku ku kuus be̱ kaye̱e̱r kuwo̱p aKapanum. Kunom Asabar tá fa nye, aYeso no̱ kaye̱e̱r kutu aduwa nong a tá bo̱so̱p ánerawe'me.

aMatiyu 8:17

A nye anong, nong a ta shining ike̱ng iya Ishaya aner kuzarap tá zibir ye, “A sok iro̱k yir cice̱r ne a ni sak yir ta sor yir dar kuro̱k.”

aMarkus 1:31

Ayong aYeso tseng nufu, ne a yiir kubo̱k wu nong a tú ku ko̱ro̱k nong a tá sonong tsik. Kuro̱m kuzhoosh'e tú won yong a tú nyes ba.

aLuka 4:41

Ítseng gip i wuruk kaye̱e̱r ánerawe whe̱re̱, ne i tasak ye, “Wan nye Igon Adakunom.” Amma a tu tigba ba, ne a ka roon ba kufe̱ kanu, kamok ba ren ye wu ne a nye aKiristi.