aMarkus 1:24 - Izere New Testament

²⁴ ye, “aYeso afu aNazaret, wan tse̱r akye̱ be yir e̱? Wan m be̱ ta bin fe̱s yir a? Mi ta ren, wan nye Azhe̱l'e afe Adakunom!”

aMarkus 1:24 Referans Kwoze

aMatiyu 8:29

Á ta kukun nizen izining ye, “Igon Adakunom, wan tse̱r akye̱ be yir e̱? Wan m be̱ tin no̱o̱k yir risam nizham izen'e ta ra nye a?”

aYakub 2:19

Wan no̱o̱k katsak ye Adakunom azining ne a kuse a? I se gye̱r! Amaan nabik gip a ti no̱o̱k katsak anong ne inyim.

aLuka 4:34

“Yeye! Akye̱ ne wan tse̱r be yir e̱? Wan m be̱ nong tin fe̱s yir a? Mi ta ren, wan nye azhe̱l'e afe Adakunom!”

Itomong Ámanzo 3:14

Amma yin rayin Azhe̱l'e na, Aya a se gye̱r nasho̱o̱n Adakunom nong yin ta nye yin aBilatus akusuk ye a ra ka tun yin aBarabas aya a tá fe̱s ánerawe ingya.

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

Itomong Ámanzo 2:27

Kamok wan tà tiburum be kutser'i kaye̱e̱r kure̱k baꞌ, ka tà won Azhe̱l'e afuan tà bus baꞌ.

aLuka 8:28

Nizen iya a tá di aYeso, a tá kuto̱ ne á kpa natak wu, a tá tasak dide̱ng ye, “aYeso, Igon Adakunom Agbang Agwo̱m Ágwo̱m, wan tse̱r akye̱ be mi e̱? Kusuk, tin no̱o̱k risam baꞌ.”

aMarkus 5:7

A tá kuto̱ ye, “aYeso, Igon Adakunom Agbang Agwo̱m Ágwo̱m, wan tse̱r akye̱ be mi e̱? Shu be riyerek Adakunom ye wan tin no̱o̱k risam baꞌ.”

aYohana 6:69

Yir ti no̱o̱k yir katsak ne i ren yir ye wan ne i nye Azhe̱l'e afe Adakunom.”

aLuka 1:35

Ayong amaleka'me fe̱ be wu ye, “Kabik Kazhe̱l'e tin tiik natoon wan ne kukyem Adakunom ka kis. Kamok anong, a tà yis azhe̱l'e ayong, wan tana tes'ong ye Igon Adakunom.

Itomong Ámanzo 24:5

“Yir se̱ yir aner na a shim kusor caang baꞌ. A tsang a whap áner aYahuda koake̱ nazatse na nong á tà ko̱ro̱ng. Wu ne a nye ako̱k kasho̱o̱n áfe a ta se nigung rice aner aNazaret áfe kukuus aYeso.

Itomong Ámanzo 4:27

“I se anong, aHiridus be aBuntus Bilatus ne áner aya sang a ta nye aner aYahuda baꞌ nyim rice be áner Isarela, kaye̱e̱r agbang kuwo̱p na, á tá ko̱n be ásam wan ázhe̱l'e aYeso aya wan tú ku kasa a ta te aner kashesh.

aLuka 24:19

Ayong a tu rip ba ye, “Akye̱ kuri ike̱re̱ e̱?” Ne á fe̱ be wu ye, “Natoon aYeso aner aNazaret. A nye aner kuzarap Adakunom. A be kukyem ku ninye ike̱re̱ ne kufe̱ kanu nasho̱o̱n Adakunom ne ánerawe cice̱r.

aMatiyu 2:23

Ne a tseng a tá se sor nuwo̱p a tá yis ye aNazaret. Anong ne a shining ike̱ng iya áner kuzarap ákak tá fe̱ ye, “A tù ku yis ye, afu Nazaret.”

aLuka 8:37

Iyong áner iben aGarasi ame cei fe̱ be aYeso ye, a ra tseng a tu ku won ba, kamok inyim tú ro̱ ba dide̱ng. Ayong aYeso no̱ kaye̱e̱r kukpara ashi, a tá tseng.

aMarkus 1:23

Nizen iyong aner akak tuse azong a tá be amaan kabik. A ta kuto̱,

aMarkus 1:25

Ayong aYeso tigba ámaan nabik'e ye, “Tigbik! Wuruk kaye̱e̱r aner na!”

aMarkus 10:47

Nizen iya a ta fok ye aYeso afu aNazaret'ong, yong a ta kuto̱ ye; “aYeso Igon aDauda ro̱ riye̱ mi!”

aMarkus 14:67

Ka tá fa di aBitrus ta sen fok kuro̱ng, ne ka ni sak anyisi ni wu. Ka tá fe̱ ye, “Wan se mak be aYeso afu aNazaret gip.”

aMarkus 16:6

Ayong a fe̱ be ba ye, “Sang tu te yin zhing baꞌ, yin tse̱r yin aYeso afu aNazaret aya a tú ku tigak aꞌa? An dorok! A kuse aze na baꞌ. Di yin karo̱ a tú ku mees.

1 aYohana 2:20

Amma yin, yin se̱ yin Kabik Kazhe̱l'e kamok Adakunom tá ka kasa yin. Kamok anong cice̱r yin, yin ren yin ike̱re̱ i ta nye katsak.