aMarkus 1:21 - Izere New Testament

²¹ aYeso be áya a tú ku ku kuus be̱ kaye̱e̱r kuwo̱p aKapanum. Kunom Asabar tá fa nye, aYeso no̱ kaye̱e̱r kutu aduwa nong a tá bo̱so̱p ánerawe'me.

aMarkus 1:21 Referans Kwoze

aMarkus 6:2

Kunom Asabar tá fa nye ayong a san kubo̱so̱p ánerawe'me kaye̱e̱r kutu aduwa. Ánerawe whe̱re̱ be̱ nong a tú ku foos, azhing tú ku yiir ba ayong áfe ye, “Aner na se̱ ike̱re̱ iyu akye̱? Akye̱ kuri kuren ike̱ng ne a tu no̱o̱k, nong a tin nye ike̱re̱ azhing e̱?

aMarkus 1:39

Iyong á tsang á tseng koake̱ kaye̱e̱r iben aGalili ne a tsang á taas rife̱ Adakunom kaye̱e̱r atu aduwa ba ne á turung ámaan nabik.

aMatiyu 4:23

aYeso gorok kaben aGalili cice̱r ne a bo̱so̱p ánerawe'me kaye̱e̱r atu aduwa ba, ne a ku taas ba Rife̱ Ritek natoon rigwo̱m kaza. Ne a sak áfe iro̱k iriri me tá te atser.

Itomong Ámanzo 17:2

Ayong aBulus tseng a tá se no̱ kyo̱ndi a tan me̱ ne a nye, Asabar ataar kum a tá yiir i ya nanan be ba kaye̱e̱r afumung rife̱ Adakunom.

Itomong Ámanzo 18:4

Koakye kunom Asabar aBulus no̱ kaye̱e̱r atu aduwa ba nong a tá ya nanan be ba. A shim tá ko̱ro̱k kuto̱ro̱ng áner aYahuda be áner aHeleni.

aMatiyu 4:13

A won aNazaret nong a tá be na aKapanum be kusor, ku tase nanu kudung, ni igak kaben aZebulun ne aNaptali,

aLuka 13:10

Katuk Asabar akak, aYeso ku sen bo̱so̱p ánerawe'me nutu aduwa áner aYahuda kukak.

aLuka 10:15

Wan, aKapanum, wan di ye a tà ka tiyiik ne a nar ribir'e a? Wayo, a tà ka barak tsik kaye̱e̱r karo̱ kaya áfe a tá kus tú ku se.

aLuka 4:16

A be na aNazaret naro̱ a tú ku ta, a se no̱ kaye̱e̱r kutu aduwa katuk Asabar kyo̱ndi a tan me̱ ne a nye. A dorok a nyeseng nong a tà fa kufumung.

aMarkus 10:1

Ayong aYeso won karo̱ kayong nong a tá be niben aYahuda, ne a tar isho̱ng aUrdun. Rigwo̱m ánerawe be̱s nufu gbak ne a bun ku bo̱so̱p ba'me kyo̱ndi a tan me̱ ne a nye.

aMarkus 2:1

Nama inom cie̱k, aYeso tú ku bun na aKapanum, ánerawe fok ye an be̱ kari.

aMarkus 1:20

Ne aYeso wor a tú yis ba ne won atek ba aZabedi ne áfe itomong itso̱m kaye̱e̱r kukpara'me, nong á tá kuus aYeso.

aMarkus 1:29

Be kuwuruk ba kaye̱e̱r kutu aduwa, á no̱ nasa aBitrus be Adarawus mak be aYakub ne aYohana.

aMarkus 1:33

Ánerawe kuwo̱p'e cice̱r nyim nanu kasa'me,

aMarkus 3:1

aYeso tá bun a no̱ kaye̱e̱r kutu aduwa ame, aner akak tuse azong afe kubo̱k wu tá we̱.

aLuka 4:23

Ayong aYeso fe̱ be ba ye, “Mi ren yin tin tak yin kare̱e̱r rife̱ na ye, ‘Abok, bok rice wan! Nye ike̱ng iya yir tá fok yir ye wan nye na aKapanum aze nuwo̱p wan.’ ”