aMarkus 1:15 - Izere New Testament

¹⁵ ye, “Izen'e n nye, rigwo̱m Adakunom m be̱ bubarak. Shishing yin kuse yin ne i ni no̱o̱k yin katsak Rife̱ Ritek'e!”

aMarkus 1:15 Referans Kwoze

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aMatiyu 4:17

Kum be izen iyong aYeso san awazi, ye; “Shishing yin kuse yin kamok rigwo̱m kaza m be̱ bubarak.”

Afisa 1:10

Kanye̱k wu se, ye ke izen'e nye dim, a tà gung ike̱re̱ cice̱r, ike̱re̱ iya i ta se kaye̱e̱r kaza be iya i ta se kaben nong aner azining tin nye rigwo̱m, aKiristi ne a tin nye rigwo̱m'e.

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

aLuka 10:9

Sak yin áfe iro̱k á ta se azong ta te atser, ne i tak yin áfe kuwo̱p'e ye, ‘Rigwo̱m Adakunom m be̱ bubarak.’

aMatiyu 10:7

Ke yin tseng yin, ku nye yin ba awazi ye, ‘Rigwo̱m kaza m be̱ bubarak!’

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aLuka 10:11

‘Iwur kuwo̱p yin iya i tin ngarak natak yir gip, yir ta waar yin'e. Amma ren yin ye, rigwo̱m Adakunom m be̱ bubarak.’

aRom 16:26

amma kyo̱o̱rna a min tonong yir. Adakunom afe izen izen fe̱ be áner kuzarap wu ye a ra zibir natoon Rife̱ Ritek'e nong áfurin tin no̱o̱k katsak ne a ku kuus.

1 aTimoti 2:6

Wu ne a no̱o̱k rice wu nong a tá sheshek ánerawe cice̱r, ike̱ng ife Adakunom ta tak kazatse nizen i tá se gye̱r'ong.

aTitus 1:3

Nizen iya wu ta di i ta se gye̱r, a tana tonong kaye̱e̱r rife̱ wu riya mi ta sen nye awazi'me riya a ti no̱o̱k amana'me kaye̱er rife̱ wu be agbang kuto̱ Adakunom Aner kashesh yir.