aLuka 8:3 - Izere New Testament

³ be aZhowana abining aKuza afe a tá nye itomong nasa aHiridus be aSuzana ne ákak whe̱r. Ányining na tu se̱s mo ba be ku ka nyesek ba ike̱re̱ dide̱ng kaye̱e̱r ike̱re̱ ba tá be.

aLuka 8:3 Referans Kwoze

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.

aFilipi 4:22

Áfikuus aze cice̱r ta nye yin ashou, atuk áfekasa aKaisar baꞌ.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aMatiyu 26:11

Áfe rizor se mak be yin ye̱r ye̱r, amma mi ta se be yin koakye izen baꞌ.

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aMatiyu 2:11

Be kube̱ ba nasa'me, ne á di igon'e be anyining wu aMarya, iyong á tiguum kaben nong á tú ku ya iben. Á bisik acer ba nong á tá no̱o̱k izinariya be name iko̱o̱n a tá yis ye amuur.

aLuka 24:10

Ányining á tá tak ámanzo ike̱re̱'me nye aMarya abafe aMagadaliya be aZhuwana ne aMarya anyining aYakub be ákak á tá se mak be ba.

Itomong Ámanzo 13:1

Áner kuzarap ákak ne áner kubo̱so̱p tuse kaye̱e̱r áfikuus Antakiya. Ákak kaye̱e̱r ba nye aBarnabas be aSiman aya a tú ku yis ye kukpa kuwe ne aLushiyos a tá nye aner aKurane'me be aManayen (aya a tá ta mak be aHiridus) ne Ashawulu.

aMatiyu 14:1

Nizen iyong, aHiridus tá fok itak aYeso.

aMatiyu 14:3

Kamok aHiridus tsang a yiir aYohana nong a tá rosom ne a ku te nitso̱m kamok aHirudiya, abining aronyining wu, aFilibus.

aMatiyu 14:6

Katuk kukak izen kunye riye̱ rikan kuyiring be kutes aHiridus tá fa nye, angas aHiridus tá to nato nasho̱o̱n ánerawe a ta tseng sak ma aHiridus nye riye̱ rikan dide̱ng.

aMatiyu 20:8

“Kawheshirim tá fa nye ne atek riko̱'me fe̱ be aner a tin sak riye̱ riko̱'me ye, ‘Yis áfe a tin nye itomong nong i tú ku karang ba ishorong ba, san kukarang áfe a tá be̱ nama ne i ma karang áfe a tá be̱ ni ime̱se̱ng'e.’

aMatiyu 27:55

Ányining akak whe̱r a tá tsang a kuus aYeso'me kum na aGalili se azong, á tin sak riye̱ ni wu. Á nyeseng gugo̱k nong á tu ku ye̱re̱k.

aYohana 12:6

aYahuza fe̱ anong sang kamok wu tá daam be áfe rizor baꞌ, amma kamok wu tá nye akpatang. Wu ne a tá ceshek ishika itso̱m ba, a bo̱s azong ne a ni tobok rice wu.