aLuka 8:2 - Izere New Testament

² Ányining ákak gip á tú ku turung ba ámaan nabik, ne a ku sak ba á tá te atser. Ákak kaye̱e̱r'e nye, aMarya abafe aMagadaliya aya ítseng kanataar tá wuruk kaye̱e̱r wu,

aLuka 8:2 Referans Kwoze

aMarkus 16:9

Nizen iya aYeso tá dorok nure̱k nadiding bop katuk ime̱se̱ng'e na asate, a san i tonong rice wu nufe aMarya aMagadaliya, aya aYeso'me tú ku turung ítseng kanataar ame.

aYohana 19:25

Áner aya a tá se nunyeseng bubarak be kutigak aYeso'me nye anyining wu, be angasnyining wu be aMarya abining aKilopas ne aMarya abafe aMagadaliya.

Itomong Ámanzo 1:14

Á nyiis cice̱r ba koakye izen nong á tá nye aduwa, mak be ányining akak be aMarya a tá nye anyining aYeso ne áronyining wu.

aLuka 23:55

Ányining áya a tá kuus aYeso kum na aGalili ame tseng mak be aYusufu, nong á tá se di karo̱ kure̱k'e be karo̱ a tú ku sak kukom'e.

aLuka 23:49

Amma cice̱r áfe a tá ren aYeso'me ne ányining á tá tsang á ku kuus kum na aGalili nyeseng gugo̱k nong á tá ye̱re̱k ike̱re̱'ong cei.

aLuka 23:27

Ánerawe whe̱re̱ ti kuus na aYeso'me. Ákak nye ányining áfe a tá nye riye̱ riwe, ne á tsang á tos.

aLuka 8:30

aYeso tú rip ye, “Riyerek wan nye angan e̱?” Ayong a fe̱ ye, “Whe̱re̱,” kamok ítseng whe̱re̱ ne i no̱ kaye̱e̱r wu.

aMarkus 16:1

Kunom Asabar tá fa gor, aMarya aMagadaliya, be aMarya anyining aYusufu ne aSalomi, shan ike̱re̱ iko̱o̱n itek, nong á tá sen kon natoon kukom aYeso.

aMatiyu 4:24

Anong, itak wu tseng cei ma ni iben aSuriya ne á ku be̱s be áfe iro̱k ze̱r ze̱r cice̱r ne áfe á ta se risam dide̱ng, ne áfe amaan nabik be áfe kuro̱k kucicirim ne áfe a tá we̱ abas azining. A tú sak ba á tá te atser.