aLuka 8:12 - Izere New Testament

¹² Ífe i tá kpas niren nye ánerawe aya á tá fok rife̱ Adakunom, ne Ishetan be̱ ne a kok rife̱'me kaye̱e̱r aye̱ ba, fan á bu no̱o̱k katsak nong á tà se̱ kashesh.

aLuka 8:12 Referans Kwoze

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

aMarkus 4:15

Íca'me íya i tá kpas niren se kyo̱ndi áner aya a ta fok rife̱ Adakunom. Amma kum ke á fok, ne Ishetan be̱ ne i kok rife̱'me kaye̱e̱r aye̱ ba.

aMatiyu 13:19

Ke anerawe fok rife̱ natoon rigwo̱m kaza, a ra ren ike̱ng iya i ta sor baꞌ. Amaan aner'e be̱ nong a ta turung ike̱ng iya a tan tuus kaye̱e̱r riye̱ aner'e. Ayong ne a nye íca'me iya i ta kpas niren.

aLuka 8:5

“Aner ikap akak be ni nas izha naya. Nizen iya a tá se be kunas'e, íca'me ikak kpas niren ne á shesh, ne nanon tang.

aMatiyu 13:4

Nizen iya a ta se be i nas'e, íca'me ikak kpas niren ne nanon be̱s ne na kok.

aLuka 8:11

“Iyu ne i nye ike̱ng iya kumaas'e ta sor, íca naya'me nye rife̱ Adakunom.

aLuka 8:13

Ífe i tá kpas nifang agudong se kyo̱ndi ánerawe áya a tá fok rife̱'me ne á shan be aye̱ akan, amma rife̱'me kpa agap naye̱ ba baꞌ. Á ti no̱o̱k katsak nizen cie̱k tsek, ke izen iya kubo̱mo̱ng be̱ ne á kpas.