aLuka 7:9 - Izere New Testament

⁹ aYeso tá fa fok anong ne a te zhing, ne a kirik a tá fe̱ be rigwo̱m ánerawe a tú ku kuus ame ye, “Mi ta ka tak yin, mi kun di aner akak kaye̱e̱r áner Isarela afe a ta be kuno̱o̱k katsak be agap kyo̱ndi aner na baꞌ.”

aLuka 7:9 Referans Kwoze

aMatiyu 15:28

Ayong aYeso fe̱ be wu ye, “Anyiningkasa, kuno̱o̱k katsak wan se gaan. Ike̱ng wan ta shim a tà ka nye'me.” Nizen iyong angas wu ame wor a te atser.

aMatiyu 8:10

aYeso tá fa fok anong ne a te zhing, iyong a fe̱ be áfe a tú ku kuus ye, “Katsak'e, ne mi ta ka tak yin, mi kun di aner akak kaye̱e̱r Isarela afe a ta be kuno̱o̱k katsak kyo̱ndi aner na baꞌ.

aMatiyu 9:33

A ta fa tun amaan nabik'e, aner a tá tsang a nye agbanu ame fe̱ kanu. Ánerawe whe̱re̱ te zhing ne á fe̱ ye, “Yir kun di yir ike̱ng ikak ana niben Isarela baꞌ.”

aLuka 7:8

Kamok mi gip, akak ti nye rigwo̱m ni mi ne mi min i nye rigwo̱m na ákak. Ke mi fe̱ be ayu ye, a ra tseng, ne a tseng, ne i fe̱ be akak ye, a ra be̱, ne a be̱. Ke mi fe̱ be asam mi ye, a ra nye iyu, ne a nye.”

aLuka 7:10

Áner a tá tsang á ku tom ba ame tu ku bun kari'me, ne á se se̱ asam'me n te atser.

aLuka 7:50

Ne aYeso fe̱ be abining'e ye, “Kuno̱o̱k katsak wan ma ka shesh, tseng caang.”