aLuka 7:8 - Izere New Testament

⁸ Kamok mi gip, akak ti nye rigwo̱m ni mi ne mi min i nye rigwo̱m na ákak. Ke mi fe̱ be ayu ye, a ra tseng, ne a tseng, ne i fe̱ be akak ye, a ra be̱, ne a be̱. Ke mi fe̱ be asam mi ye, a ra nye iyu, ne a nye.”

aLuka 7:8 Referans Kwoze

aKolosi 3:22

Yin ásam, fok yin atek kasa yin kuto kaye̱e̱r koakye kuri ike̱ng. Sang tu nye yin kamok ba ta min sak anyisi natoon yin baꞌ, ye nong ase̱ a ta ka kerek yin tsek baꞌ. Amma nye yin be riye̱ rizining kyo̱ndi áner a ta fok inyim Agwo̱m Ágwo̱m.

Itomong Ámanzo 23:17

Iyong aBulus yis akak kaye̱e̱r áko̱k kasho̱o̱n ásozha'me a tá fe̱ be wu ye, “Tseng be acam na nufe aritek yin, a be ike̱ng ikak iya a tana ku tak.”

Itomong Ámanzo 25:26

Mi ra be ike̱ng ikak dim iya mi tana zibir adagwo̱m'me natoon wu baꞌ. Kamok anong ne mi n be̱ be wu nasho̱o̱n yin cice̱r abanang wan Adagwo̱m Agaribus baꞌ, nong ase̱ mi ta se̱ ike̱ng iya mi tana zibir natoon wu nama i tan ye̱re̱k yir rife̱'me.

Itomong Ámanzo 24:23

aFelis fe̱ be aritek ásozha'me ye a ra fek aBulus gye̱r sang a tu mak a ku firik baꞌ, ye a ra won áfertseng wu tin sak riye̱ ni wu.

Itomong Ámanzo 23:26

Kunom ra be rigwo̱m, mi, aKalaudiyus Lasiyas, ne i ta zibir kufumung na, wan Agwo̱mna aFelis, mi ta nye ashou dide̱ng.

Itomong Ámanzo 23:23

Iyong agbang ásozha'me yis aritek asozha aRom afa nong a tá fe̱ be ba ye, “Nye yin kanye̱k nong ta tseng yin na aKaisariya nabas itsom katobo̱k natuk na, mak be ásozha iso̱k inyak ifa ne ásozha aya a ta ko̱n natoon itsaap iso̱k kanataar be áya a ta ko̱n be ako̱o̱n iso̱k inyak ifa.

aLuka 7:7

Ike̱ng i tá sak mi tá kyem i be̱ nufuan'ong baꞌ, fe̱re̱ng tsek asam'i tà te atser.

aLuka 7:9

aYeso tá fa fok anong ne a te zhing, ne a kirik a tá fe̱ be rigwo̱m ánerawe a tú ku kuus ame ye, “Mi ta ka tak yin, mi kun di aner akak kaye̱e̱r áner Isarela afe a ta be kuno̱o̱k katsak be agap kyo̱ndi aner na baꞌ.”

Itomong Ámanzo 23:31

Kamok ásozha'me sok aBulus'e nong á ta tseng'e kyo̱ndi a tá fe̱ be ba. Á tseng'e nuwo̱p Atipatiris natuk.