aLuka 7:2 - Izere New Testament

² Aritek ásozha akak tuse azong, afe asam wu tá nye atser baꞌ, an te kyo̱ndi a tá ku. Asam'me se yiik dide̱ng nufe atekasa wu.

aLuka 7:2 Referans Kwoze

aKolosi 3:22

Yin ásam, fok yin atek kasa yin kuto kaye̱e̱r koakye kuri ike̱ng. Sang tu nye yin kamok ba ta min sak anyisi natoon yin baꞌ, ye nong ase̱ a ta ka kerek yin tsek baꞌ. Amma nye yin be riye̱ rizining kyo̱ndi áner a ta fok inyim Agwo̱m Ágwo̱m.

aLuka 23:47

Izen iya aritek ásozha'me akak tá fa di anong yong a kerek Adakunom, ne a fe̱ ye, “Katsak'e aner na nye azhe̱l'e.”

aLuka 8:42

kamok igak angas kutes wu, a tá be aye̱ kuso̱k be afa an te kyo̱ndi a tà ku. aYeso tá se be kutseng wu yong ánerawe be̱s bubarak be wu ma á tú fi.

aMatiyu 27:54

Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”

Itomong Ámanzo 27:43

Amma aritek ásozha aRom'me ta shim a ta shesh aBulus, yong a tú ku roon ba'me. Ne a fe̱ be ba ye áner aya a ta ren riwo̱k ra san kufuruk nong á ta wo̱k a ta tseng nukim kudung'e.

Itomong Ámanzo 27:3

Kaya katson'e yir se no̱ yir na aSidon. aZhuliyos tonong aBulus ritek a tu ku won a ta tseng nufe áfertseng wu nong á tin sak riye̱ ni wu.

Itomong Ámanzo 27:1

Nizen iya a tin sak ye yir ra no̱ yir nukpara ashi nong ta tseng yir niben Italiya, yong a won aBulus be áfe itso̱m ákak nubo̱k aritek ásozha aRom akak riyerek wu tá nye aZhuliyos. Akak kaye̱e̱r ásozha a tá yis ye, ásozha aKaisar.

Itomong Ámanzo 23:17

Iyong aBulus yis akak kaye̱e̱r áko̱k kasho̱o̱n ásozha'me a tá fe̱ be wu ye, “Tseng be acam na nufe aritek yin, a be ike̱ng ikak iya a tana ku tak.”

Itomong Ámanzo 22:26

Nizen iya aritek asozha'me tá fa fok anong ne a tseng nufe aritek ba a tá se fe̱ be wu ye, “Tatan be ike̱ng iya wan ta tse̱r ta nye. Aner na nye aner aRom.”

Itomong Ámanzo 10:7

Nama amaleka'me tá tseng, aKoneliyus yis ásam wu afa be asozha akak aya a nye afikuus'e, áya tú ku se̱s mo be itomong.

Itomong Ámanzo 10:1

Aner akak tuse na aKaisariya a tú ku yis ye aKoneliyus. A nye aritek ásozha aRom a tá ka yis ba ye Agbang rigwo̱m ásozha Italiya.

aLuka 7:1

aYeso tá fa gang kufe̱ ike̱re̱'ong cei ne ánerawe foos, ne a be na aKapanum.

aLuka 7:3

Aritek ásozha'me fok itak aYeso yong a tom áko̱k kasho̱o̱n áner aYahuda nufu nong á tá su ku nye izong ye a ra be̱ sak asam wu tá te atser.