aLuka 7:16 - Izere New Testament

¹⁶ Cice̱r ba inyim tú ro̱, yong á kerek Adakunom ye, “Aner kuzarap agbang'e m be̱ kaye̱e̱r yir,” ne á fe̱ ye, “Adakunom m be̱ nong a ta tobok ánerawe wu.”

aLuka 7:16 Referans Kwoze

aLuka 7:39

Aner aFarisi afe a tá fe̱ ye a ra be̱ kari wu ame tá fa di anong, ne a to̱ riye̱ wu ye, “Ke a fa fe̱ ye aner na nye aner kuzarap Adakunom ke a ren aner a tú ku ras, ne a ren kuri kuse abining'e, ke a ren ye a nye aner rine̱n.”

aMatiyu 9:8

Nizen iya ánerawe ame tá di anong, inyim tú ro̱ ba iyong á kerek Adakunom aya a tá no̱o̱k ánerawe kukyem kuri kuyong.

aLuka 1:68

“Nakerek nye nafe Ada Adakunom áner Isarela, kamok an be̱ an shesh ánerawe wu.

aLuka 5:26

Koangan te zhing, ne á kerek Adakunom. Á fok inyim, ne á fe̱ ye, “Yir n di yir ike̱re̱ azhing katuur.”

aLuka 2:20

Áfek ame tú bun ne á tsang á tiyiik Adakunom ne á ku kerek kamok ike̱re̱ ba tá fok ne á di cei, kyo̱ndi a tú ku tak ba.

aLuka 1:65

Áfegbak'e te zhing. Ánerawe yiir kufe̱ itak natoon ike̱re̱ na cei niwo̱p i ta se nawhanang niben aYahuda.

aMatiyu 21:11

Iyong áfe a ta sen kuus aYeso'me fe̱ ye, “Ayu ne a nye aYeso aner kuzarap Adakunom a ta ne na aNazaret niben aGalili.”

aMatiyu 15:31

Ánerawe te zhing nizen ba tá di ágbanu tá fe̱ kanu ne ákun be áfe a ta yising te atser ne ákpato̱o̱n di karo̱. Iyong á kerek riyerek Adakunom afe Isarela.

aGalati 1:24

Iyong á kerek Adakunom kamok'i.

Itomong Ámanzo 5:5

Kum Ananiya tá fa fok anong ne a kpa kaben a ta wor a ku. Ánerawe aya a tá fok ike̱ng'ong fok inyim dide̱ng.

aYohana 9:17

Ayong á bun á rip akpato̱o̱n ame ye, “Wan be ike̱ng ikak tanin tak yir natoon aner na a? Wan ne a tá karak anyisi.” Ne aner ame fe̱ be ba'me ye, “A nye aner kuzarap.”

aYohana 6:14

Ánerawe tá di itomong azhing iya aYeso tá nye ayong á rife̱ ye, “Katsak'e, ayu ne a nye Aner Kuzarap aya a ta se ye a ta be̱ kaye̱e̱r kazatse.”

aYohana 4:19

Ne abining ame fe̱ ye, “Atekasa, mi di wan nye aner kuzarap Adakunom.

aYohana 1:25

rip aYohana'me ye, “Iyong akye̱ sak wan ta nye abatisma ke wan nye aKiristi, ka Iliya ka Aner Kuzarap'e baꞌ e̱?”

aYohana 1:21

Ayong á tú ku rip ye, “To̱, wan nye angan e̱? Wan ne i nye Iliya a?” Ne aYohana fe̱ be ba ye, “Wayo, mi ne i nye wu baꞌ.” “Ayong wan ne i nye Aner Kuzarap ame a?” Ne a bun a fe̱ be ba ye, “Wayo.”

aLuka 24:19

Ayong a tu rip ba ye, “Akye̱ kuri ike̱re̱ e̱?” Ne á fe̱ be wu ye, “Natoon aYeso aner aNazaret. A nye aner kuzarap Adakunom. A be kukyem ku ninye ike̱re̱ ne kufe̱ kanu nasho̱o̱n Adakunom ne ánerawe cice̱r.

aLuka 9:19

Iyong álimazhiri'me fe̱ ye, “Ákak fe̱ ye wan nye aYohana aner abatisma, ne ákak fe̱ ye wan nye Iliya, ne ákak bun á fe̱ ye wan nye akak kaye̱e̱r áner kuzarap Adakunom ágbugbang'e, ne a bun an dorok be kutser.”

aLuka 8:37

Iyong áner iben aGarasi ame cei fe̱ be aYeso ye, a ra tseng a tu ku won ba, kamok inyim tú ro̱ ba dide̱ng. Ayong aYeso no̱ kaye̱e̱r kukpara ashi, a tá tseng.

aLuka 5:8

aSiman Bitrus tá fa di anong, ne a tigbok akuur wu kaben nasho̱o̱n aYeso nong a tá fe̱ ye, “Kam be mi Agwo̱m Ágwo̱m, mi nye aner rine̱n.”

aMatiyu 28:8

Iyong ányining ame wor á won kure̱k'e gbashak nong á ta be nufe álimazhiri ame be inyim amma be riye̱ rikan. Á tseng á teng ba nong á se tak álimazhiri'me.

Itomong Ámanzo 7:37

“Wu aMusa'me yong ne a fe̱ be áner Isarela ye, ‘Adakunom tà ka tom yin aner kuzarap akak kaye̱e̱r yin aner Isarela kyo̱ndi a tin tom.’

aLuka 19:44

Á tà ka tosom yin ma kaben, be ánerawe wan a ta se kaye̱e̱r'e, a tà won kuta kuzining natoon kufudang baꞌ, kamok wan ti sak riye̱ nizen iya Adakunom tá be̱ nufuan baꞌ.”

aLuka 7:15

Ne acam a tá tsang a ku ame dorok a tá kpaan kufe̱ kanu, ne aYeso no̱o̱k anyining'e.