aLuka 4:6 - Izere New Testament

⁶ Ne a bun a fe̱ be aYeso'me ye, “Mi tà ka no̱o̱k iren nong tin nye rigwo̱m natoon ike̱re̱ na cei ne kuyiik ike̱re̱'me sor i kufuan, kamok a min no̱o̱k ike̱re̱ na cei. Kamok anong mi ta kyem i no̱o̱k aner aya mi ta shim.

aLuka 4:6 Referans Kwoze

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 12:31

Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

Ike̱ng a ta tonong aYohana 13:7

A tu ku no̱o̱k kukyem a tanin ko̱n itsom be ázhe̱l'e ne a ka canang ba. A tu ku no̱o̱k kukyem natoon koangan irem be koakye kuri anerawe be koakye kuri izere ne koakye kuri karo̱.

Ike̱ng a ta tonong aYohana 13:2

Ikewum mi tá di'me tas ici kase̱m. Amma agbang atas atak'e tas afe aBeyar, kanu'me se kyo̱ndi kafe azaki. Kuwhen ame no̱o̱k ikewum'e agap wu be itsik rigwo̱m wu ne agbang kukyem wu.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

1 aBitrus 1:24

Kyo̱ndi a ta zibir ye, “Ánerawe cice̱r se kyo̱ndi agam ne kusas ba cice̱r se kyo̱ndi afure katse. Agam koor ne afure suruk kaben,

2 aKoranti 11:14

I nye ike̱ng azhing baꞌ, kamok Ishetan be rice wu gip, a sok rice wu kyo̱ndi amaleka akanang.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

aLuka 4:7

Kamok anong, ke wan ti ya iben, ike̱re̱ na tà te ifuan cei.”