aLuka 4:41 - Izere New Testament

⁴¹ Ítseng gip i wuruk kaye̱e̱r ánerawe whe̱re̱, ne i tasak ye, “Wan nye Igon Adakunom.” Amma a tu tigba ba, ne a ka roon ba kufe̱ kanu, kamok ba ren ye wu ne a nye aKiristi.

aLuka 4:41 Referans Kwoze

aMarkus 1:34

ne aYeso sak áya a tá be iriri iro̱k whe̱r tá te atser. A turung ámaan nabik dide̱ng. A won ámaan nabik'e tá fe̱ kanu baꞌ, kamok ba ren ka wu nye angan'e.

aYakub 2:19

Wan no̱o̱k katsak ye Adakunom azining ne a kuse a? I se gye̱r! Amaan nabik gip a ti no̱o̱k katsak anong ne inyim.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aMarkus 3:11

Koakye izen ne ámaan nabik tu di ne á kpas kaben nasho̱o̱n wu ne á tang ikun ye, “Wan ne i nye Igon Adakunom.”

aMatiyu 4:3

Ishetan be̱ a tá fe̱ be wu ye, “Ke wan ne i nye Igon Adakunom, to̱, fe̱ be ata na nong á ta te abiredi.”

aMatiyu 26:63

Amma aYeso te gbik. Ayong agbang atsi ame bun a fe̱ be wu ye, “Kaye̱e̱r riyerek Adakunom afe kutser, ni tak yir katsak'e, ka wan ne i nye aKiristi'e, Igon Adakunom.”

aMatiyu 8:29

Á ta kukun nizen izining ye, “Igon Adakunom, wan tse̱r akye̱ be yir e̱? Wan m be̱ tin no̱o̱k yir risam nizham izen'e ta ra nye a?”

aMarkus 1:25

Ayong aYeso tigba ámaan nabik'e ye, “Tigbik! Wuruk kaye̱e̱r aner na!”

aMatiyu 8:4

Ayong aYeso fe̱ be wu ye, “Di, sang tú tak akak baꞌ. Amma tseng se tonong rice wan nufe atsi ne i nye asidaka kuri aya aMusa tá fe̱, nong á tà ren ye wan n te atser.”

aMatiyu 8:16

Kawheshirim tá fa nye, a be̱s be ánerawe whe̱re̱ áya amaan nabik tá min no̱ niba nufe aYeso, ne aYeso turung nabik'e ne a sak áfe iro̱k cice̱r á ta te atser.

aMarkus 1:32

Nawheshirim'ong, nama kunom tá kpa, ánerawe be̱s be áfe iro̱k ne áfe amaan nabik nufe aYeso.

aLuka 4:39

Ayong aYeso tiguum bubarak be wu nong a tá tigba kuro̱m kuzhoosh'e, yong a te atser. A wor a dorok a ta kpaan i ku nyes ba.