aLuka 4:2 - Izere New Testament

² azong ne Ishetan su ku bo̱mo̱ng, inom iso̱k inaas, ko a yas baꞌ. Ni igang'e izong tu ro̱, kamok sang a tá ya naya baꞌ.

aLuka 4:2 Referans Kwoze

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

Ibrani 2:18

Wu be rice wu so̱ risam nizen a tú ku bo̱mo̱ng, kamok anong a kyem a ta tobok áya a ta sen ku bo̱mo̱ng ba cice̱r.

aYohana 4:6

Azong ne ribong ashi aYakub. aYeso tá fa ro̱n be kutseng, ayong a sonong azong nanu ribong'e. Iyu se nabas katite kunom.

aMatiyu 21:18

Naya katson'e, bop nadiding nizen iya aYeso ta se ni iren a sen kubun nuwo̱p'e, a fok izong.

aMatiyu 4:2

Nama aYeso tá nye azumi kuko̱s iso̱k inaas, katuk be kunom iyong izong tú ku ro̱.

aLuka 4:3

Ishetan fe̱ be wu ye, “Ke wan ne i nye Igon Adakunom, to̱, fe̱ be kuta na nong ku ta te abiredi.”