aLuka 3:8 - Izere New Testament

⁸ Nye yin kunye kuya ku tana tonong ye yin n shishing yin kuse yin, sang tu wo̱k yin rice yin ye Ibrahim ne a nye ada yin baꞌ. Mi ta tak yin, Adakunom ta kyem a sok ata na, a tin nye Ibrahim inoon.

aLuka 3:8 Referans Kwoze

Itomong Ámanzo 26:20

Ni ime̱se̱ng'e, mi san kutaas áner aDamaskus rife̱ Adakunom ne áya a ta se na aUshalima ne áfe iben aYahuda cice̱r. Mi bun i taas áya sang á ta nye áner aYahuda baꞌ, ye á ra shishing kuse ba nong á tu ku bun nufe Adakunom ne á nye ike̱re̱ iya i tana tonong ye ba n shishing kuse ba.

aMatiyu 21:43

“Kamok anong, won ta ka tak yin, a tin shan rigwo̱m Adakunom nufe yin nong a tà no̱o̱k áya a tana nye kunye kutek.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

aRom 9:7

Sang koangan a ta nye kuri Ibrahim ne a nye aya Adakunom ta kasa baꞌ. Adakunom ban a fe̱ be Ibrahim ye, “Be Ishaku ne wan ta se̱ inoon na mi ta fe̱ be wan.”

aRom 4:16

Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

aLuka 19:40

Ayong aYeso fe̱ be ba ye, “Won tà ka tak yin, ke ba tigbik ata na tà kpaan tang kuto̱ ne á ni kerek.”

aYohana 8:33

Ne ba fe̱ be wu ye, “Yir nye yir kuri Ibrahim, yir i kun te yir ásam akak baꞌ. Akye̱ sak wan tá fe̱ ye yir tà sor yir ne̱k e̱?”

aYohana 8:39

Ayong á fe̱ be aYeso ye, “Ibrahim ne a nye ada yir.” Ne aYeso fe̱ be ba ye, “Ke a fa fe̱ ye yin nye yin inoon Ibrahim, ke yin nye yin ike̱re̱ wu tá nye.

aMatiyu 3:8

Nye yin itomong i tana tonong ye yin n shishing yin kuse yin.

aMatiyu 3:9

Sang yin tu wo̱k yin ace yin be kuto̱ro̱ng ye, ‘Ibrahim nye ada yir’ baꞌ. Won ta ka tak yin, Adakunom ta kyem a sok ata na nong a tin nye Ibrahim inoon.

aLuka 5:21

Áner aFarisi be áfe kubo̱so̱p Itsi ame, kpaan kuto̱ naye̱ ba ye, “Angan ne a zhe̱e̱sh Adakunom na e̱? Angan ta kyem a re̱ng anerawe rine̱n wu, sang ke Adakunom baꞌ e̱?”

aLuka 13:25

Kum ke atekasa'me dorok a ta whe̱e̱n kanukutu'me, yin ta nyeseng yin nufang ne i ca yin kanukutu'me ne i nye yin akusuk ye, ‘Kusuk atekasa, ni karak yir kanukutu.’ “A tá fe̱ ye, ‘Mi ta ren yin, ka karo̱ yin tu ku ne yin baꞌ.’

aLuka 13:26

“Yin tà fe̱ yin ye, ‘Yir ya ne i so̱ yir be wan, ne wan bo̱so̱p ánerawe'me ni iwo̱p yir.’

aLuka 14:9

Ke anong baꞌ, aner a tá ka tak yin riye̱ rikan'e tà be̱ fe̱ be wan ye, ‘Dorok ta no̱o̱k aner akak karo̱ kusonong wan.’ Ne wan ma ku bun naro̱ kusonong kahiir'e be isum.

aLuka 19:9

Ne aYeso fe̱ be wu ye, “Katuur kashesh m be̱ nasa na, kamok aner na gip a nye igon Ibrahim.