aLuka 3:16 - Izere New Testament

¹⁶ aYohana fe̱ be ba ye, “Mi ta nye yin abatisma be ashi, akak afe a ta be kukyem ne a ni nar, tà be̱, afe mi tana kyem i bis idun akpatak wu baꞌ. A tà ka nye yin abatisma be Kabik Kazhe̱l'e ne kuro̱ng.

aLuka 3:16 Referans Kwoze

Itomong Ámanzo 1:5

aYohana nye abatisma be ashi amma kaye̱e̱r inom cie̱k, a tà ka nye yin'e be Kabik Kazhe̱l'e.”

aMatiyu 3:11

“Mi ta nye yin abatisma be ashi nong i ta tonong ye yin n shishing yin kuse yin. Amma aner a tana be̱ nama mi ti nar be kukyem, aya mi tana kyem i ra akpatak wu gum baꞌ. A tà ka nye yin abatisma be Kabik Kazhe̱l'e ne kuro̱ng.

aYohana 1:33

Mi tsang i ku ren baꞌ, amma Adakunom afe a tin tom nong ta nye abatisma be ashi ti tak ye, ‘Aner aya wan di Kabik ti tiik ne a ni sonong natoon wu to̱, wu ne a nye aner kunye abatisma be Kabik Kazhe̱l'e.’

aYohana 1:26

Ne aYohana fe̱ ye, “Mi nye abatisma be ashi, amma nunyeseng aze be yin akak kuse aya yin tu ku ren yin baꞌ.

1 aKoranti 12:13

Di, Kabik Kazhe̱l'e a ti nye yir abatisma kaye̱e̱r kuro̱m kuzining cice̱r yir, aner aYahuda ka aya sang a ta nye aner aYahuda baꞌ, ka asam ka aner a ta nye asam baꞌ, a min no̱o̱k yir Kabik kazining cice̱r yir nong ta so̱ yir.

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.

aYohana 7:38

Koangan afe a tin no̱o̱k katsak ni mi, kyo̱ndi rife̱ Adakunom ta fe̱ ye, kaye̱e̱r wu ne itop ashi kutser tà wo̱k.”

Itomong Ámanzo 10:44

aBitrus tá ru fe̱ kanu be ba ne Kabik Kazhe̱l'e ni tiik natoon ánerawe áya a tá fok rife̱'me cice̱r.

aMatiyu 3:12

Kube wu se nubo̱k wu. A tà tas áwhe̱'me ne a korok iwe̱ng'e kaye̱e̱r ingme̱ ne a shosh awhe̱'me be kuro̱ng kuya sang ku tana ku baꞌ.”

aYohana 1:27

Wu ne a nye aya a tana be̱ nama mi, idun akpatak wu mi ta kyem i bis baꞌ.”