aLuka 3:11 - Izere New Testament

¹¹ Ayong aYohana fe̱ ye, “Aner aya a ta be akpiin afa a ra kabak be afe a ta be baꞌ, afe a ta be naya ra nye anong gip.”

aLuka 3:11 Referans Kwoze

1 aYohana 3:17

Ke akak kuse a ta be ike̱ng ne a di aronyining wu áfikuus a be ike̱ng ikak baꞌ, a se nudaam, amma a ro̱ riye̱ wu nong a tu ku nye ike̱ng ikak baꞌ. Ane̱ ne wu ta tonong ye kushim Adakunom kuse riye̱ wu e̱?

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

aLuka 18:22

aYeso tá fa fok anong, ne a fe̱ be wu ye, “Wan ru raar nike̱ng izining. Re̱e̱s koakye wan ta be, kasap áfe rizor itso̱m'e. Wan tà se̱ kurum naza nong ta be̱ tin kuus.”

1 aYohana 4:20

Ke akak fe̱ ye wu shim Adakunom ne a rawu áronyining wu, i nye ye a be abo̱o̱s, kamok aner aya a ta shim áronyining wu aya wu tu ku di baꞌ, a ta kyem a shim Adakunom aya wu ta won dar a di baꞌ.

aYakub 1:27

Kuren katsak Adakunom kuya Ada yir Adakunom ta sok ye kunye kujel'e nye, ku nisak riye̱ ni nakpiin be akumung kaye̱e̱r risam ba, ne i yiir rice wan fan kazatse ba ka sak ta wondar I se jel.

aLuka 11:41

Kamok anong no̱o̱k yin áfe rizor ike̱re̱ yin ta be yin be riye̱ rizining, nong koakye yin tà te zhe̱l.

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

Itomong Ámanzo 10:31

A tá fe̱ ye, ‘aKoneliyus, Adakunom n fok aduwa wan ne a yiring be kutobok kuya wan tá tobok áfe rizor.

Itomong Ámanzo 10:4

Iyong aKoneliyus'e tisak anyisi ni wu be inyim a tá fe̱ ye, “Akye̱ de̱ Agwo̱m Ágwo̱m e̱?” Ayong amaleka'me shim ye “Adakunom n yiring be wan, aduwa aya wan tá nye be kutobok kuya wan ta tobok áfe rizor n ngarak nufe Adakunom.

Itomong Ámanzo 10:2

Wu be áfe kasa wu cice̱r nye áfikuus'e, ne a fok inyim Adakunom. Á tobok áfe rizor áya a tá nye áner aYahuda dide̱ng, á kam be kunye aduwa baꞌ.

aYohana 13:29

aYahuza a tá nye aner kusaas itso̱m, ákak ba sor ye aYeso fe̱ be wu ye a ra se shan ike̱re̱ a tá tse̱r kamok aPasova'me, ka a ra se no̱o̱k áfe rizor ike̱ng ikak ayi.

aLuka 19:8

Ayong aZaka dorok a tá fe̱ be aYeso ye, “Atekasa, mi tà no̱o̱k áfe rizor ribir kurum'i aze kyo̱o̱rna. Ke mi n mo̱o̱r akak natoon ike̱ng ikak, mi tu ku karang ko kutak kunaas.”

Afisa 4:28

Aner a ta tsang a nye itsang tu ba nye baꞌ, a ra nye itomong ne a nye ike̱ng ikak itek be ibo̱k wu nong a ta se̱ ike̱ng ikak a tana nang aya sang a tà be baꞌ.

1 aTimoti 6:17

Tak áya a ta be kurum kaye̱e̱r kazatse na be agbang kuto̱ ye sang á tu ya kuka be kurum ba baꞌ, ka á tin te aye̱ natoon kurum ba baꞌ, kuya ku tana gang koakye izen. Amma á rin te aye̱ na Adakunom aya a tin nyesek yir koakye ike̱ng kpe̱ iya yir tanin fok yir kusas'e.

aYakub 2:14

Aroneng, akye̱ se gye̱r azong e̱? Ke anerawe nye di wu n no̱o̱k katsak, a ra nye itomong i ta tonong kuno̱o̱k katsak'e baꞌ e̱? Kuno̱o̱k katsak'ong tu ku shesh a?