aLuka 2:7 - Izere New Testament

⁷ yong a tes acam, igon ime̱se̱ng wu. A kunung be ítan ares nong a tá mees nukpara a tin korok itsamang naya, kamok ba se̱ kasa naro̱ átsen tú ku tisik baꞌ.

aLuka 2:7 Referans Kwoze

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aMatiyu 1:25

Amma aYusufu tsang a ku ren kyo̱ndi aner abining baꞌ, ma nama a tá tes igon'e, a tú ku yis ye aYeso.

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

aMatiyu 13:55

Igon akapinta na aꞌa? Ango̱ wu ne a nye aMarya aꞌa, áronyining ne a nye aYakub be aYusufu ne aSiman be aZhud aꞌa?

aLuka 10:34

A tseng nufe aner ame nong a tú ku kusu ifor'e be ashi kakon a ta yis ye anap, ne a ni te name nong a tá rosom. Ne a sok aner ame natoon azhaki wu nong a tá tseng'e naro̱ átsen tu ku ko̱s, ne a ni sak riye̱ ni wu.

aLuka 2:6

Nizen á tá se azong, izen kutes'e nye,

aLuka 2:8

Áfe kufek tuse á tá sor niwe̱ng bubarak azong ne á ye̱re̱k ítsamang ba natuk.