aLuka 17:1 - Izere New Testament

¹ aYeso fe̱ be álimazhiri wu ye, “Ike̱re̱ i tana sak ánerawe tana nye rine̱n tà be̱ dim. Awo̱ be aner aya a tana sak akak tana nye rine̱n.

aLuka 17:1 Referans Kwoze

aMatiyu 18:7

“Awo̱ be kazatse kamok ike̱re̱ i ta sak ánerawe ta nye rine̱n. Ike̱re̱'me tà be̱s dim, amma awo̱ be aner aya a tana sak akak ta nye rine̱n.

1 aKoranti 8:13

Kamok anong, ke ike̱ng iya mi tana ya ta sak aroneng ta nye rine̱n, mi ta ba ya ike̱ng'e baꞌ, fan mi bu ku sak a ta kpa.

aRom 14:13

Kamok anong, tu naka to̱ yir amok baꞌ. Koangan ra sok kaye̱e̱r riye̱ wu ye sang wu ta sor ike̱ng iya i tana sak akak tanin turuk kutak ka a tin kpa baꞌ.

1 aKoranti 11:19

Anong gye̱r, nanan tin no̱ kaye̱e̱r yin nong ase̱ a ta ren áfe a ta nye áfe Adakunom be katsak.

aRom 16:17

Kusuk yin ároneng, sak yin riye̱ be áfe a ta shim á ta shik kugung rice yin ne á ka sak yin ta kpas yin nike̱ng iya á tá ma ka bo̱so̱p yin'e. Kam yin be ba.

aMatiyu 16:23

Amma aYeso kirik a tá fe̱ be wu ye, “Kam be mi, Ishetan, wan sor ike̱ng mi tanin turuk kutak. Wan to̱ natoon ike̱re̱ iya Adakunom ta shim baꞌ, ma ife rinerawe.”

1 aKoranti 10:32

Sang tu sak yin akak ta turuk kutak baꞌ, aner'e tu nye aner aYahuda ka aner aYahuda baꞌ, ka afikuus Adakunom ayi.

Ike̱ng a ta tonong aYohana 2:14

Amma gip be anong, ike̱re̱ ikak kuse cie̱k mi ta be be wan; Áner akak kuse kaye̱e̱r yin a tá kuus kubo̱so̱p aBalam, kuya a ta bo̱so̱p aBalak'e ta sak áner Isarela tá nye rine̱n, a tá ya naya naya itsi ne á nye rikuna.

Ike̱ng a ta tonong aYohana 2:20

Amma gip be anong, ike̱ng ikak kuse mi ta be be wan: Wan won abining'ong a tú ku yis ye aZhezebel, aya a tá sok rice wu ye wu nye aner kuzarap. Kubo̱so̱p wu sak ásam'i shaam á ta no̱ ninye rikuna ne á ya naya a ta nye kamok asidaka itsi.

aLuka 16:31

“Ne Ibrahim fe̱ be wu ye, ‘Ke á kuus Itsi aMusa ne á fok rife̱ áner kuzarap Adakunom baꞌ, ko a fa fe̱ ye akak fa dorok kaye̱e̱r áfe a ta n kus gip, á tin no̱o̱k katsak baꞌ.’ ”

1 aTimoti 4:1

To̱, Kabik ti tonong yir kanang ye kaye̱e̱r inom igang'e, ánerawe ákak ta won kuno̱o̱k katsak kufe áfikuus nong á ta kuus nabik nafe na ta wo̱ro̱k ánerawe ne ike̱re̱ iya amaan nabik ta bo̱so̱p ánerawe'me.