aLuka 16:2 - Izere New Testament

² Ayong arum'e yis aner a tin sak riye̱ nike̱re̱'me nong a tú ku rip ye, ‘Akye̱ kuri rife̱ ne mi foos natoon wan e̱? Ni tonong itomong wan tá nye. Wan tà ba ni nye itomong baba baꞌ.’

aLuka 16:2 Referans Kwoze

Ike̱ng a ta tonong aYohana 20:12

Ne mi di áya a tá tsang a kus, áko̱k kasho̱o̱n be inoon, á tan nyeseng nasho̱o̱n itsik rigwo̱m ame. A karak afumung akak. Ne a bun a karak kufumung'e kukak kuya ku ta nye kufumung kutser. A to̱ ikom'e amok te̱re̱ be kunye ba, kyo̱ndi ike̱ng iya a tá zibir kaye̱e̱r afumung'e.

1 aBitrus 4:10

Adakunom no̱o̱k koangan kunang nong a tin nye itomong. Kamok anong koangan ra nye itomong be katsak be kunang kufu nong tin tobok yir ákak yir kaye̱e̱r ritek Adakunom.

1 aBitrus 4:5

Amma ba tà taas aner aya a tana to̱ atser be ikom amok ike̱ng iya ba tá nye.

1 aTimoti 5:24

Rine̱n ánerawe ákak se kanang, ri wor ri se kanang kum dar a tseng'e naro̱ amok, amma rine̱n rife̱ ákak, ma ri sok izen ri ta ra wuruk.

1 aTimoti 4:14

Sang tin yo̱ro̱k be kunang kuya Adakunom ta ka no̱o̱k baꞌ, kuya wu ta ka no̱o̱k kaye̱e̱r rife̱ áner kuzarap ta fe̱ ne kusonong áko̱k kasho̱o̱n tin saas ibo̱k ritek natoon wan.

2 aKoranti 5:10

Kamok koangan yir ta nyeseng nasho̱o̱n itsik amok aKiristi, nong a tà shan ishorong wu tite̱re̱ be ike̱ng wu tá nye kum ni wu rusek nuro̱m na, ka i tu nye itek ka imaan'e.

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

1 aKoranti 4:2

Kamok anong ne a shim aner aya a tu ku won ba amana, a ra sor aner aya a tana yiir ike̱ng'e kyo̱ndi a ta shim.

1 aKoranti 1:11

Ároneng, áner kasa aKaluwi ákak ti tak ye yin n kpaan yin nanan dide̱ng.

aRom 14:12

Kamok anong, koangan yir ta tak ike̱ng iya wu tá nye nasho̱o̱n Adakunom.

aLuka 12:42

aYeso fe̱ be wu ye, “Angan ne a nye asam afe a ta be katsak ne a be kukyem e̱? Aya atekasa wu tú ku won ribir ásam nubo̱k, ne a ku nyesek ba naya nizen gye̱r.

aLuka 12:20

“Amma Adakunom fe̱ be wu ye, ‘Wan kufunam kukak! Natuk katuur, a tà sok kutser wan, iyong angan tá kok ike̱re̱ wan ta naka tusung'e na e̱?’

aMatiyu 12:36

Won ta ka tak yin, koakye amaan rife̱ anerawe tá fe̱, a tà shan ishorong wu katuk amok Adakunom.

aMatiyu 20:8

“Kawheshirim tá fa nye ne atek riko̱'me fe̱ be aner a tin sak riye̱ riko̱'me ye, ‘Yis áfe a tin nye itomong nong i tú ku karang ba ishorong ba, san kukarang áfe a tá be̱ nama ne i ma karang áfe a tá be̱ ni ime̱se̱ng'e.’

aLuka 16:1

aYeso tak álimazhiri wu ye, “Arum akak tuse aya ánerawe tú ku tak ye aner aya a tin sak riye̱ nike̱re̱ wu nye̱e̱n'e kpe̱de̱ng.

aLuka 16:3

“Aner a tin sak riye̱ nike̱re̱ ame to̱ riye̱ wu ye, ‘To̱, mi tà ma nye ane̱ makong e̱? Atekasa mi min ro ni itomong. Sang mi ba be agap tin kap baꞌ. Mi fok isum kutsang nye izong nufe ánerawe.