aLuka 14:3 - Izere New Testament

³ aYeso rip áner aFarisi'me be áfe a tá ren Itsi dide̱ng ye, “I nye Itsi aner ta sak akak ta te atser katuk Asabar a?”

aLuka 14:3 Referans Kwoze

aMatiyu 12:10

Aner akak tuse azong kubo̱k tá we̱. Áner aFarisi shim nong a ta di ka aYeso ta taam, iyong á tú ku rip ye, “I nye Itsi a tana sak akak tá te atser katuk Asabar a?”

aLuka 6:9

aYeso fe̱ be ba ye, “Won mi ta ka rip yin. Akye̱ ne Itsi Adakunom fe̱ natoon Kunom Asabar e̱? I se gye̱r a ta nye ike̱ng itek ka a ta nye ike̱ng imaan'e e̱? I se gye̱r a ta shesh kutser ka a ta fe̱r e̱?”

aMarkus 3:4

Ne aYeso rip ánerawe'me ye, “Akye̱ ne ise gye̱r a ta nye kunom Asabar e̱? I se gye̱r a ta nye ike̱ng itek ka a ta nye ike̱ng imaan'e e̱? I se gye̱r a ta shesh kutser ka a ta fe̱r e̱?” Iyong á te ba gbik.

aYohana 7:23

To̱, ke i nye ye a ta kyem a nye igon izhak katuk Asabar nong a ta kuus Itsi aMusa, akye̱ sak yin be yin riye̱ riwe be mi, kamok mi ta sak ánerawe ta te atser cei katuk Asabar e̱?

aMatiyu 22:35

Akak kaye̱e̱r ba a tá ren Itsi dide̱ng a shim a tá bo̱mo̱ng aYeso, iyong a tú ku rip ye,

aMatiyu 12:2

Nizen iya aner aFarisi tá di anong, iyong a fe̱ be aYeso ye, “Di, álimazhiri wan sen nye ike̱ng iya a tá roon'e katuk Asabar.”

aLuka 14:2

Aner akak tuse azong, atak be ibo̱k tá mos

aLuka 14:4

Iyong á te gbik. Ne aYeso yiir aner ame a tú ku sak a tá te atser ne a ku te niren.