aLuka 12:4 - Izere New Testament

⁴ “Áro̱, won tà ka tak yin tu fok yin inyim aya a tana fe̱r kuro̱m baꞌ, kamok nama anong a tá baꞌ, kyem a nye ike̱ng ikak baba baꞌ.

aLuka 12:4 Referans Kwoze

aMatiyu 10:28

Sang yin tu fok yin inyim áfe ku fe̱s ánerawe baꞌ, kamok á ta kyem a fe̱r kabik'e baꞌ. Fok yin inyim aner aya a tana kyem a te kabik be kuro̱m anerawe cei kaye̱e̱r kasa kuro̱ng ingya.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

aFilipi 1:28

Sang tu fok yin inyim áya a ta ka tabak yin kaye̱e̱r koakye iren baꞌ, be anong ne ba tà ren ye, ba tà wei, amma yin ta se̱ yin kashesh kamok Adakunom shim i tu se anong.

1 aBitrus 3:14

Amma ko yin fa so̱ yin risam kamok kunye kutek, yin ta se̱ yin ritek Adakunom. Kamok anong, sang tu fok yin inyim áya a tana ka no̱o̱k yin risam baꞌ, sang tu te yin febek baꞌ.

aYakub 2:23

Ne rife̱ Kufumung Adakunom shining riya ri ta fe̱ ye, “Ibirahim ti no̱o̱k katsak na Adakunom yong kuno̱o̱k katsak wu sak a tu di jel, ne a ku yis ye aferime̱ Adakunom.”

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

Itomong Ámanzo 4:13

Áko̱k kasho̱o̱n ame tá fa di aBitrus be aYohana tá fe̱ kanu be riye̱ rizining, ne ba bun á ren tse̱ng tse̱ng ye sang á nye áner aya a tá fa afumung ba', amma á nye ánerawe ana mama tsek, yong á te zhing, ne á fe̱ ye áner na mak á sor mak be aYeso.

aYohana 15:13

Kushim kukak kuse ku ta nar kufe anerawe tana no̱o̱k kutser wu kamok áferime̱ wu baꞌ.