aLuka 11:2 - Izere New Testament

² Ayong aYeso fe̱ be ba ye, “Izen iya yin tana nye yin aduwa, fe̱ yin ye, “ ‘Ada yir, won riyerek wan tu sor zhe̱l, rigwo̱m wan tu be̱.

aLuka 11:2 Referans Kwoze

Ike̱ng a ta tonong aYohana 15:4

Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

aFilipi 4:20

Kuyiik nye kufe Adakunom yir ne a nye Ada yir ma izen izen. Anong.

aFilipi 1:2

Ritek be kameneng riye̱ Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

Afisa 1:2

Ritek be kameneng riye̱ Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

2 aKoranti 1:2

Ritek ne kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

1 aKoranti 1:3

Ritek ne kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m aYeso Kiristi yir se mak be yin.

Ike̱ng a ta tonong aYohana 19:6

Iyong mi bun i fok kuto̱ kukak kyo̱ndi riwo̱ng rigwo̱m ánerawe, kyo̱ndi ashi ta wo̱k, kyo̱ndi iza ta tasak. Mi fok á ta fe̱ ye, “Adide̱nge̱ng Adakunom! Kamok Ada Adakunom yir ayiik'e ne a se be rigwo̱m.

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

1 aTasalonika 1:1

Mi aBulus be aSila ne aTimoti i ta nye yin ashou yin áfikuus aTasalonika ashou, yin áya i ta nye yin áfe Adakunom a ta nye Ada yir ne Agwo̱m Ágwo̱m yir aYeso Kiristi. Ritek be kameneng riye̱ se mak be yin.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

aKolosi 1:2

yin ároneng ázhe̱l'e, aya a ta be katsak áya a ta se na aKolosi. Ritek be kameneng riye̱ Adakunom a ta nye Ada yir se mak be yin.

aRom 8:15

Kamok Kabik a tá ka no̱o̱k yin nye kabik kaya ka tana ka sak yin ta te yin asam ne i fok yin inyim baꞌ. Amma yin se̱ yin Kabik ku te inoon Adakunom be anong ne yir yis yir Adakunom ye, “Abba, Ada.”

aMatiyu 10:32

“Aner aya ne a fe̱ nasho̱o̱n ánerawe ye wu ti ren, mi tà ma fe̱ ye, sang mi tu ren gip nasho̱o̱n Ada mi afe a ta se kaye̱e̱r naza.

aMatiyu 5:16

Kamok anong, won akanang yin tu ya kanang nasho̱o̱n ánerawe, nong ke á di kunye yin kutek ne á tà kerek Ada yin a ta se kaye̱e̱r kaza.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.

aRom 1:7

Mi ta zibir yin'e cice̱r yin aya ita se yin na aRom, yin áya Adakunom ta shim, a tá ka yis yin nong tà te yin ázhe̱l'e. Ritek be kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

aLuka 11:1

Katuk kakak aYeso se be aduwa naro̱ kakak. Nizen iya a tá gang kunye aduwa ame, alimazhiri wu akak fe̱ be wu ye, “Agwo̱m Ágwo̱m, ni bo̱so̱p yir kunye aduwa kyo̱ndi aYohana tá bo̱so̱p álimazhiri wu'me.”