aLuka 11:1 - Izere New Testament

¹ Katuk kakak aYeso se be aduwa naro̱ kakak. Nizen iya a tá gang kunye aduwa ame, alimazhiri wu akak fe̱ be wu ye, “Agwo̱m Ágwo̱m, ni bo̱so̱p yir kunye aduwa kyo̱ndi aYohana tá bo̱so̱p álimazhiri wu'me.”

aLuka 11:1 Referans Kwoze

aZhud 1:20

Amma yin, ároneng áya mi ta shim, naka no̱k yin natoon kuno̱o̱k katsak yin kuzhe̱l'e ne i nye yin aduwa kaye̱e̱r Kabik Kazhe̱l'e.

aLuka 6:12

Katuk kakak, kaye̱e̱r inom iyong aYeso ngarak natoon kawhanang nong a tá nye aduwa. A ko̱so̱ i nye aduwa'me.

aLuka 9:18

Katuk kakak aYeso tá se be kunye aduwa wu ze̱r, yong álimazhiri wu be̱ á tú se̱. Ne aYeso tú rip ba ye, “Ánerawe fe̱ ye mi nye angan e̱?”

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

aLuka 9:28

Nama inom ikara aYeso tá fe̱ rife̱'ong, yong a sok aBitrus be aYohana ne aYakub mak be wu, á tá tseng natoon kawhanang nong á tá se nye aduwa azong.

aLuka 7:13

Nizen aYeso tá fa ku di, ne a ro̱ riye̱ wu, yong a fe̱ be wu ye, “Sang tu tos baꞌ.”

aLuka 7:19

nong a tú ku tom ba nufe aYeso ye, á ra su ku rip ye, “Wan ne a nye aya a tà fe̱ ye a tà be̱ ame ka ba ra tor akak ze̱e̱r e̱?”

aLuka 10:42

Ike̱ng izining ne i nye igbang'e nusor wan. aMarya n kasa iya i ta se gye̱r, ka akak tin shan baꞌ.”

aLuka 11:2

Ayong aYeso fe̱ be ba ye, “Izen iya yin tana nye yin aduwa, fe̱ yin ye, “ ‘Ada yir, won riyerek wan tu sor zhe̱l, rigwo̱m wan tu be̱.