aLuka 10:2 - Izere New Testament

² A fe̱ be ba ye, “Ishamang kuse dide̱ng, amma áfe itomong'e se hiir. Kamok anong nye yin aduwa nong atek riko̱'me tin barang áfe a tana ku nye itomong ishamang'e.

aLuka 10:2 Referans Kwoze

1 aTasalonika 5:12

Ároneng, yir ta nye yin izong ye, i ra fok yin áya a ta ka nye yin itomong kuto, áya a ta ka bo̱so̱p yin'e ne á nye kasho̱o̱n nufe yin kaye̱e̱r kusor aKiristi.

aMarkus 16:15

A fe̱ be ba ye, “Tseng yin koake̱ kaye̱e̱r kazatse, se taas yin ánerawe cice̱r Rife̱ Ritek'e.

2 aTimoti 4:5

Amma wan sak riye̱ be ike̱re̱ kuri iyong, naka tsesek kaye̱e̱r risam wan, ya kasho̱o̱n be kunye itomong aner awazi Rife̱ Ritek ne i ni sak riye̱ ni itomong iya a tá ka sak'e ye wan ra nye cice̱r.

2 aTasalonika 3:1

Ni igang'e ároneng, nye yin aduwa kamok yir nong ase̱ rife̱ Agwo̱m Ágwo̱m yir tà ya kasho̱o̱n zizirik kaye̱e̱r ánerawe nong ri ta se̱ kuyiik, kyo̱ndi ri ta se̱ kaye̱e̱r yin.

aMarkus 13:34

I se kyo̱ndi atekasa ta won kasa wu nong wu a ta be nutseng ne a won kasa'me nubo̱k ásam wu, ne a no̱o̱k ásam ame koangan be ike̱ng iya a tana nye. Ne a fe̱ be áner kutor kasa'me ye á ra sor ne á ye̱re̱k kasa'me ne á tor kube̱ wu.

1 aTimoti 4:10

Ike̱re̱'ong ne ri sak yir ta nye yir itomong dide̱ng ne i tsesek yir kamok yir ta min te yir riye̱ na Adakunom afe kutser, Aner Kashesh ánerawe cice̱r, abanang áfe a ta min no̱o̱k katsak baꞌ.

Itomong Ámanzo 22:21

“Iyong Agwo̱m Ágwo̱m'me fe̱ be mi ye, ‘Mi ta ka tom tsik nufe áner aya sang a ta nye áner aYahuda baꞌ.’ ”

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

Itomong Ámanzo 13:4

Kabik Kazhe̱l'e tom aBarnabas be Ashawulu yong á tseng na aSalukiya a tá se no̱ nukpara ashi a tá be na aSipurus.

Itomong Ámanzo 13:2

Nizen ba tá sen ya Adakunom iben ne á nye azumi yong Kabik Kazhe̱l'e fe̱ be ba ye, “Ni sak yin aBarnabas be Ashawulu nukim nong ase̱ á tin nye itomong iya mi tan sak ye ba tin nye'me.”

Itomong Ámanzo 11:19

To̱, áfikuus aya a tá te shaam kamok amaan kutabak a tá tabak áfikuus nama riku Itifanus tseng tsik ma ni iwo̱p aFoneshiya ne aSipurus be Antakiya. Á tsang a nye awazi amma a nye awan áner aYahuda tsek.

Itomong Ámanzo 8:4

To̱, áfikuus aya a tá te shaam tsang á nye awazi rife̱ Adakunom koake̱ ne ba tseng.

aLuka 9:1

aYeso tá yis kuso̱k be afa ame, a tú no̱o̱k ba kukyem kuturung koakye kuri ítseng, kufe ku ni sak áfe iro̱k tana te atser.

aMarkus 16:20

Álimazhiri wu ame tseng nong á ta se taas Rife̱ Ritek koake̱. Agwo̱m Ágwo̱m ti nye itomong be ba dide̱ng. A tonong ye rife̱ ba be katsak be ike̱re̱ azhing iya ba tá nye mak be rife̱'me.]

aMatiyu 20:1

“Rigwo̱m kaza se kyo̱ndi atekasa akak a tá wuruk nadiding bop, nong a tá se sok ánerawe nong á tá su ku nye itomong riko̱.

aFilipi 2:25

Amma mi di, i bun i se gye̱r ta ka tom yin aroneng akak nikuus, Apafuroditus, ne a nye afudang itomong'i. A nye asozha aYeso, i ta sen can yir mak, aya yin tú ku tom yin nunaan nong a tá be̱ a tin se̱ mo nike̱ng iya mi ta tse̱r.

aFilipi 2:21

Kamok mi di koangan aze daam be ike̱re̱ riye̱ wu tsek sang ife aYeso Kiristi baꞌ.

1 aKoranti 12:28

Kaye̱e̱r áfikuus, Adakunom kasa ámanzo a ta te áfe ime̱se̱ng'e, afe afa nye áner kuzarap, afe ataar nye áfe kubo̱so̱p ánerawe'me. Ákak nye áfe kunye itomong azhing, ne áfe kusak áfe iro̱k ta te atser, ne áfe a tana tobok ánerawe. Ne ákak áfe kube ánerawe, nigang'e áfe a tana fe̱ ni írem iduk.

aKolosi 1:29

Kamok anong ne mi nye itomong ma i ti te iso̱r be kuri agap aya aKiristi tin no̱o̱k, aya a ta nye itomong dide̱ng kaye̱e̱r'i.

aFilipi 2:30

kamok cie̱k ke a ku kamok itomong aKiristi. A no̱o̱k rice wu nong a tin tobok niren iya yin tá kyem yin baꞌ.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

1 aTasalonika 2:9

Ároneng, mi ren tse̱ng tse̱ng ye yin ru yiring yin be kuri itomong ne risam yir tá so̱ yir. I nye yir itomong katuk be kunom kamok fan i ba ka no̱o̱k yin risam nizen yir tá sen ka nye yin awazi Rife̱ Ritek.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

2 aKoranti 6:1

Yir áfe i ta nye yir áfudang yin kaye̱e̱r itomong Adakunom yir ta nye yin izong ye, sang tu nye yin kpe̱de̱ng be ritek Adakunom baꞌ.

1 aKoranti 15:10

Amma kamok ritek Adakunom ne mi n te ana, ritek wu natoon'i se kpe̱de̱ng tsek baꞌ, cie̱k. Mi n nye itomong dide̱ng ne i nar ribir ámanzo cice̱r. Gip be anong, sang mi ne i nye itomong'e be rice mi baꞌ, ritek Adakunom ne ri nye itomong'e kaye̱e̱r'i.

aFilimon 1:1

Mi, aBulus, aya a tin te nitso̱m kamok aYeso Kiristi ne aronyining yir aTimoti ne i ta zibir wan kufumung na aFilimon, agbang aferime̱ yir ne i bun i nye aferime̱ itomong yir.

Ike̱ng a ta tonong aYohana 2:1

“Zibir amaleka ikilisiya Afisa'me ye: Rife̱ na ne nufe aner aya a ta yiir ádar kanataar nubo̱k riya wu, a ta tsang a tseng kaye̱e̱r ike̱re̱ kanataar a tin tes kuro̱ng ife a tá nye be izinariya ame.